കൊച്ചി: നടിയും സംരംഭകയുമായ ലീന മരിയ പോളിന്റെ കടവന്ത്രയിലെ ബ്യൂട്ടി സലൂണില്‍ വെടിവെപ്പ് നടത്താന്‍ നിര്‍ദ്ദേശം നല്‍കിയത് മുംബൈ ചെമ്പൂരിലെ ഗുണ്ട. കേരളാ പൊലീസ് ഇയാളെ കണ്ടെത്തി ചോദ്യം ചെയ്തു. അധോലോക കുറ്റവാളി രവി പൂജാരിയെന്ന പേരില്‍ വാര്‍ത്താ ചാനലിലേക്ക് വിളിച്ചതും ചെമ്പൂര്‍ സ്വദേശിയാണെന്നാണ് പൊലീസിന്റെ നിഗമനം. ബ്യൂട്ടി സലൂണില്‍ വെടിവെയ്പ് നടത്തി ലീനയെ ഭീഷണിപ്പെടുത്താനുള്ള ക്വട്ടേഷന്‍ നല്‍കിയത് കൊച്ചി സ്വദേശിയാണെന്നാണ് സൂചന.
ഇവര്‍ തമ്മിലുള്ള സാമ്പത്തിക തര്‍ക്കം ഒത്തുതീര്‍ക്കാനും ശ്രമം തുടങ്ങി. പൊലീസ് അന്വേഷണം ചെമ്പൂരില്‍ എത്തിയതോടെ സലൂണ്‍ വെടിവയ്പ് കേസിലെ പരാതി പിന്‍വലിക്കാന്‍ നടി ലീന മരിയ പോളും നീക്കം തുടങ്ങി. എന്നാല്‍ എഫ്‌ഐആര്‍ രജിസ്റ്റര്‍ ചെയ്ത ഇത്തരം കുറ്റകൃത്യങ്ങളില്‍ നടി പരാതി പിന്‍വലിച്ചാലും അന്വേഷണം അവസാനിപ്പിക്കാന്‍ പൊലീസിന് കഴിയില്ല. കേസിലെ സാക്ഷി മാത്രമാണ് ലീന. അക്രമണത്തില്‍ ഇടപെട്ടത് അധോലോക കുറ്റവാളി പൂജാരിയല്ലെന്ന് ശരിവെക്കുന്ന അന്വേഷണ റിപ്പോര്‍ട്ടുകളാണ് പുറത്തുവരുന്നത്‌
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
