പാലക്കാട് കോവിഡ് കെയര്‍ സെന്ററില്‍ നിന്ന് രക്ഷപ്പെടാന്‍ ശ്രമം; ജനലിലൂടെ സണ്‍ഷെയ്ഡില്‍ കയറിയ തമിഴ്‌നാട്ടുകാരി കുടുങ്ങി

പാലക്കാട്:  ലക്കിടിയില്‍ കോവിഡ് കെയര്‍ സെന്ററില്‍ നിന്ന് രക്ഷപ്പെടാന്‍ തമിഴ്‌നാട്ടുകാരിയുടെ ശ്രമം. ജനലിലൂടെ സണ്‍ഷെയ്ഡില്‍ കയറി.എന്നാല്‍ താഴെയിറങ്ങാനാകാതെ ഇവര്‍ സണ്‍ഷെയ്ഡില്‍ കുടുങ്ങി.

വിവരം അറിഞ്ഞ് സ്ഥലത്തെത്തിയ അഗ്നിശമന സേന വലകെട്ടി താഴെയിറക്കി. പിന്നീട് താലൂക്ക് ആശുപത്രിയിലേക്ക് മാറ്റി.

നിലവില്‍ മലപ്പുറം സ്വദേശി ഉള്‍പ്പെടെ ഏഴുപേരാണ് കോവിഡ് സ്ഥിരീകരിച്ച് പാലക്കാട് ചികിത്സയില്‍ കഴിയുന്നത്. 3378 പേരാണ് ജില്ലയില്‍ മൊത്തം നിരീക്ഷണത്തിലുളളത്. ഇതില്‍ 3318 പേരും വീടുകളിലാണ്.60 പേരാണ് രോഗലക്ഷണങ്ങളെ തുടര്‍ന്ന് വിവിധ ആശുപത്രികളില്‍ നിരീക്ഷണത്തില്‍ കഴിയുന്നത്.