ന്യൂഡല്‍ഹി: പെരിയാറിലെ മലീനീകരണം തടയാന്‍ മാര്‍ഗ്ഗരേഖ തയ്യാറാക്കാത്തതിന് സംസ്ഥാന മലിനീകരണ നിയന്ത്രണ ബോര്‍ഡിന് ഒരു ലക്ഷം പിഴശിക്ഷ. ഏലൂര്‍ വ്യവസായ മേഖലയിലെ മലിനീകരണം തടയുന്നതിന് വ്യക്തമായ മാര്‍ഗ്ഗരേഖ നല്‍കാന്‍ ഇതുവരെയും ബോര്‍ഡിന് കഴിഞ്ഞിട്ടില്ലെന്ന് ചൂണ്ടിക്കാട്ടിയാണ് ദേശീയ ഹരിത ട്രൈബ്യൂണല്‍ പിഴ വിധിച്ചത്.
ഗ്രീന്‍ ആക്ഷന്‍ ഫോഴ്‌സ്, ജനജാഗ്രത എന്നീ സംഘടനകള്‍ സമര്‍പ്പിച്ച ഹര്‍ജിയിലാണ് നടപടി. നവംബര്‍ 14 ന് ഹര്‍ജി വീണ്ടും പരിഗണിക്കുമെന്നും അന്ന് ബോര്‍ഡ് സെക്രട്ടറി നേരിട്ട് ഹാജരാകണമെന്നും നിര്‍ദ്ദേശം നല്‍കിയിട്ടുണ്ട്. കേസുമായി ബന്ധപ്പെട്ട് സത്യവാങ്മൂലം സമര്‍പ്പിക്കണമെന്ന് സംസ്ഥാന സര്‍ക്കാരിനോടും മലിനീകരണ നിയന്ത്രണ ബോര്‍ഡിനോടും ഹരിത ട്രൈബ്യൂണല്‍ ആവശ്യപ്പെട്ടിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
