പൊലീസ് കസ്റ്റഡിയില്‍ എടുത്ത് വിട്ടയച്ച യുവാവ് തൂങ്ങിമരിച്ച നിലയില്‍

തൊടുപുഴ: പോലീസ് കസ്റ്റഡിയിലെടുത്ത് വിട്ടയച്ച യുവാവിനെ തൂങ്ങിമരിച്ച നിലയില്‍ കണ്ടെത്തി. തൊടുപുഴ കുളങ്ങാട്ടുപാറ സ്വദേശി രതീഷാണ് ജീവനൊടുക്കിയത്. പൊലീസ് മര്‍ദനം മൂലമാണ് രതീഷ് ജീവനൊടുക്കിയതെന്ന് അദ്ദേഹത്തിന്റെ അമ്മയും സഹോദരിയും പറഞ്ഞു. മൃതദേഹം മാറ്റാനെത്തിയ പോലീസിനെ നാട്ടുകാര്‍ തടഞ്ഞു. ആര്‍ഡിഒ എത്താതെ മൃതദേഹം മാറ്റാനാവില്ലെന്ന നിലപാടിലാണ് നാട്ടുകാര്‍. 

ഇന്നലെ വൈകീട്ടാണ് രതീഷ് ആത്മഹത്യ ചെയ്തത്. അതേസമയം രതീഷിനെ മര്‍ദിച്ചിട്ടില്ലെന്നും ഉപദേശിച്ചശേഷം വിട്ടയയ്ക്കുകയുമാണ് ചെയ്തതെന്നും തൊടുപുഴ സിഐ എന്‍ജി ശ്രീമോന്‍ പറഞ്ഞു.