മലപ്പുറം: നിലമ്പൂര്‍ പൊലീസ് സ്റ്റേഷനില്‍ ഗുണ്ടാ വിളയാട്ടം. സ്റ്റേഷനില്‍ അതിക്രമിച്ച് കയറി ഉദ്യോഗസ്ഥരെ കയ്യേറ്റം ചെയ്ത കേസില്‍ മൂന്നുപേരെ പൊലീസ് അറസ്റ്റ് ചെയ്തു.
ഗുണ്ടകള്‍ തമ്മിലുളള പ്രശ്‌നങ്ങള്‍ പരിഹരിക്കുന്നതില്‍ ഇടപെട്ടില്ല എന്ന കാരണം ചൂണ്ടിക്കാട്ടിയായിരുന്നു ഗുണ്ടാ സംഘങ്ങളുടെ ആക്രമണം. ഗുണ്ടകള്‍ മര്‍ദ്ദിച്ച് അവശനാക്കിയ യുവാവിനെ അറസ്റ്റ് ചെയ്യണമെന്നും ആവശ്യപ്പെട്ടായിരുന്നു ഗുണ്ടാ സംഘകള്‍ സ്റ്റേഷനില്‍ എത്തിയത്. പൊലീസ് സ്റ്റേഷനില്‍ അതിക്രമിച്ച് കയറിയ ഗുണ്ടാ സംഘം പൊലീസ് ഉദ്യോഗസ്ഥരെ കയ്യേറ്റം ചെയ്തു. പൊലീസ് ഉദ്യോഗസ്ഥര്‍ക്ക് നേരെ അസഭ്യവര്‍ഷം നടത്തിയതായും പൊലീസ് പറയുന്നു.
സ്റ്റേഷനിലെ സിസിടിവി ഉള്‍പ്പെടെയുളള ഉപകരണങ്ങള്‍ തകര്‍ത്ത് ഭീകരാന്തരീക്ഷം സൃഷ്ടിച്ചതായും പൊലീസ് പറയുന്നു. അറസ്റ്റിലായവര്‍ക്ക് എതിരെ നേരത്തെയും കേസുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
