ഫെയ്സ്ബുക്കിലെ പരിചയം പ്രണയമായി; ആദ്യ വിവാഹം മറച്ചുവച്ച് യുവതിയെ കല്യാണം കഴിച്ചു; ഭാര്യയുമായി മുങ്ങിച പൊലിസ് പൊക്കി

കോട്ടയം: ആദ്യവിവാ​ഹം മറച്ചുവെച്ച് ഫെയ്സ്ബുക്കിലൂടെ പ​രി​ച​യ​പ്പെ​ട്ട യു​വ​തി​യെ വി​വാ​ഹം ക​ഴി​ച്ചു യു​വ​തി​യുമായി മു​ങ്ങി​യ ആ​ൾ പൊലീസ് പി​ടി​യി​ൽ. കാ​സ​ർ​ഗോ​ഡ് സ്വ​ദേ​ശി വി​നോ​ദാണ് പൊലീസ് പിടിയിലായിരിക്കുന്നത്. ഏ​റ്റു​മാ​നൂ​ർ പൊ​ലീ​സാണ് ഇയാളെ അ​റ​സ്റ്റ് ചെ​യ്ത​ത്.

ക​ഴി​ഞ്ഞ ജൂ​ണ്‌ 14നാ​യി​രു​ന്നു സം​ഭ​വം. വി​വാ​ഹ വി​വ​ര​മ​റി​ഞ്ഞ് ഒ​ന്നാം ഭാ​ര്യ അന്വേ​ഷി​ച്ച് എത്തിയപ്പോഴാണ് ര​ണ്ടാം ഭാ​ര്യ​യു​മാ​യി വിനോദ് മു​ങ്ങിയത്. മാ​സ​ങ്ങ​ൾ​ക്ക് മുൻപ് ഫെയ്സ്ബു​ക്ക് വ​ഴി​യാ​ണ് ഇ​യാ​ളും ഏ​റ്റു​മാ​നൂ​ർ സ്വ​ദേ​ശി​നിയാ​യ യു​വ​തി​യും പ​രി​ച​യ​പ്പെ​ട്ട​ത്. പ​രി​ച​യം പ്ര​ണ​യ​മാ​വു​ക​യും വി​വാ​ഹി​ത​രാകാ​ൻ തീ​രു​മാ​നി​ക്കു​ക​യു​മാ​യി​രു​ന്നു. 

 തു​ട​ർ​ന്ന് ഇ​യാ​ൾ യുവതിയു​ടെ വീ​ട്ടി​ലെ​ത്തി വി​വാ​ഹം ആ​ലോ​ചി​ച്ചു. വീ​ട് കണ്ണൂ​രി​ലാ​ണെ​ന്നും വീ​ട്ടി​ൽ അ​മ്മ മാ​ത്ര​മേ​യു​ള്ളൂവെ​ന്നു​മാ​ണ് ഇയാൾ യുവതിയോടും കുടുംബത്തോടും ​പറഞ്ഞിരുന്ന​ത്.  തു​ട​ർ​ന്ന് കോ​വി​ഡ് ചൂ​ണ്ടി​ക്കാ​ട്ടി ജൂൺ14ന് ​ഇ​യാ​ൾ സു​ഹൃ​ത്ത​ക്ക​ളു​മാ​യി എ​ത്തി ഏ​റ്റു​മാ​നൂ​രി​ലെ യു​വ​തി​യു​ടെ വീ​ട്ടി​ൽ വ​ച്ചു വി​വാ​ഹം നടത്തു​ക​യും പെ​ണ്‍​കു​ട്ടി​യു​ടെ വീ​ട്ടി​ൽ താ​മ​സി​ക്കുകയുമായിരുന്നു.

അ​മ്മ​യ്ക്കു സു​ഖ​മി​ല്ലെ​ന്നു പ​റ​ഞ്ഞ് ഇ​ന്നലെ ഇ​യാ​ൾ പെ​ണ്‍​കു​ട്ടി​യേയും കൊ​ണ്ടു ക​ണ്ണൂ​രി​ലേ ക്കെ​ന്നു പ​റ​ഞ്ഞ് പോവുക​യായിരുന്നു. ഈ സമയത്ത് ഇ​യാ​ളു​ടെ ര​ണ്ടാം വി​വാ​ഹ​ത്തക്കു​റി​ച്ച് അ​റി​ഞ്ഞ് തി​രു​വ​ല്ല സ്വദേ​ശി​നിയാ​യ ഒ​ന്നാം ഭാ​ര്യ ഏ​റ്റു​മാ​നൂ​രി​ലെ പെ​ണ്‍​കു​ട്ടി​യു​ടെ വീ​ട്ടി​ൽ എ​ത്തി​. അപ്പോഴാണ് ഇ​യാ​ൾ നേരത്തെ വി​വാ​ഹി​ത​നും ര​ണ്ടു കു​ട്ടി​ക​ളു​ടെഅ​ച്ഛ​നുമാണെ​ന്ന കാര്യം വീട്ടു​കാ​ർ​ക്ക് മ​ന​സി​ലാ​യ​ത്. ഇ​ത് അ​റി​ഞ്ഞു ഏ​റ്റു​മാ​നൂ​രി​ലെ യുവതിയുടെ വീ​ട്ടു​കാ​ർ ഇ​വ​രെ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും ക​ഴി​ഞ്ഞി​ല്ല. തു​ട​ർ​ന്ന് ഇ​വ​ർ ഏ​റ്റു​മാ​നൂ​ർ പൊലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.​ പൊലീ​സ് ഇ​രു​വ​രെ​യും പിന്തുട​ർ​ന്ന് പി​ടി​കൂ​ടി ഏ​റ്റു​മാനൂ​രി​ൽ എ​ത്തി​ക്കു​ക​യും കോ​ട​തി​യി​ൽ ഹാ​ജ​രാ​ക്കു​ക​യും ചെ​യ്തു.