ബാറുകള്‍ തുറക്കുന്നതിന് തദ്ദേശ സ്ഥാപനങ്ങളുടെ അനുമതി വേണ്ടെന്ന് സര്‍ക്കാര്‍; ഇതിനായി ഓര്‍ഡിനന്‍സ് ഇറക്കും

തിരുവനന്തപുരം: മദ്യശാലകള്‍ ആരംഭിക്കുന്നതിനായി തദ്ദേശ സ്വയംഭരണ സ്ഥാപനങ്ങളുടെ അനുമതി വേണമെന്ന നിബന്ധന സംസ്ഥാന സര്‍ക്കാര്‍ എടുത്തുകളയുന്നു. ഇതിനായി സംസ്ഥാന സര്‍ക്കാര്‍ ഓര്‍ഡിനന്‍സ് ഇറക്കും. മന്ത്രിസഭാ യോഗമാണ് ഇത് സംബന്ധിച്ച തീരുമാനമെടുത്തത്. 

പഞ്ചായത്ത് ആക്റ്റില്‍ ഭേദഗതി വരുത്തിയാകും എന്‍ഒസി വേണമെന്ന നിബന്ധന എടുത്തുകളയുക. യുഡിഎഫ് സര്‍ക്കാരിന്റെ കാലത്താണ് മദ്യശാലകള്‍ തുടങ്ങുന്നതിന് അതാത് തദ്ദേശ സ്വയംഭരണ സ്ഥാപനങ്ങളുടെ എന്‍ഒസി വേണമെന്ന നിബന്ധന കൊണ്ടുവന്നത്.