ലണ്ടന്‍: കോവിഡ് 19 ബാധിച്ച് ലണ്ടനില്‍ ഒരു മലയാളി കൂടി മരിച്ചു.കണ്ണൂര്‍ ഇരിട്ടി വെളിമാനം സ്വദേശി സിന്റോ ജോര്‍ജാണ്(36) കോവിഡ് 19 ബാധിച്ച് മരിച്ചത്. കഴിഞ്ഞ ഒരാഴ്ചയായി കോവിഡ് 19 സ്ഥിരീകരിച്ച് തീവ്ര പരിചരണ വിഭാഗത്തില്‍ ചികിത്സയിലായിരുന്നു. സിന്റോയും കുടുംബവും കഴിഞ്ഞ പത്തുവര്‍ഷമായി യുകെയിലാണ് താമസം.
ഭാര്യ നിമി, തൃശൂര്‍ ചാലക്കുടി മേലൂര്‍ സ്വദേശിനിയാണ്. മക്കള്‍ എലേന, എഡ്വേര്‍ഡ്, എല്‍മിയ. മകന്‍ എഡ്വേര്‍ഡിന്റെ മൂന്നാം ജന്മദിനത്തിലാണ് സിന്റോയുടെ മരണം. എട്ടു വര്‍ഷത്തിന് മുമ്പാണ് സിന്റോയും നിമിയും വിവാഹിതരായത്. വിവാഹം കഴിഞ്ഞ് പോയതിന് ശേഷം നാട്ടിലേക്ക് വന്നിരുന്നില്ല.
ലണ്ടനില്‍ മകളെ സന്ദര്‍ശിക്കാന്‍ എത്തിയ കൊട്ടാരക്കര സ്വദേശിനി ഇന്ദിരാ ഭാരതി എന്ന സ്ത്രീ ഇന്നലെ സെന്റ് ജോര്‍ജ് ആശുപത്രിയില്‍ വെച്ച് മരിച്ചിരുന്നു. മുട്ടറ ഗവ.ഹയര്‍സെക്കന്‍ഡറി സ്‌കൂളിലെ റിട്ട.അധ്യാപികയാണ്. സ്‌ട്രോക്കിനെ തുടര്‍ന്ന് ഒരുമാസമായി ആശുപത്രിയില്‍ ചികിത്സയിലായിരുന്നു ഇവര്‍. ഇതിനിടെയാണ് കോവിഡ് സ്ഥിരീകരിച്ചത്.
യു കെയില്‍ ഇപ്പോള്‍ മൂന്നു മലയാളികളാണ് കോവിഡ് 19 ബാധിച്ച് മരിച്ചത്. ഇന്നലെ അയര്‍ലന്‍ഡിലും കോവിഡ് 19 ബാധിച്ച് ഒരു മലയാളി നഴ്‌സ് മരിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
