മണ്‍സൂണ്‍ ജൂണ്‍ നാലിന് കേരളത്തില്‍ എത്തും, ഇക്കൊല്ലം മഴ കുറയുമെന്ന് പ്രവചനം

ന്യൂഡല്‍ഹി: കാലവര്‍ഷം ഇക്കുറി ജൂണ്‍ നാലിന് കേരളത്തില്‍ എത്തുമെന്ന് പ്രവചനം. ഇത്തവണ മഴ കുറവായിരിക്കുമെന്നും സ്വകാര്യ കാലാവസ്ഥാ പ്രവചന സംവിധാനമായ സ്‌കൈമെറ്റ് അറിയിച്ചു.

പതിവിലും വൈകിയായിരിക്കും ഇക്കുറി കാലവര്‍ഷം കേരളത്തില്‍ എത്തുക. ജൂണ്‍ നാലിന് മണ്‍സൂണ്‍ എത്തുമെന്നാണ് പ്രതീക്ഷിക്കുന്നതെന്ന് സ്‌കൈമെറ്റ് അറിയിച്ചു. ഉപഭൂഖണ്ഡത്തില്‍ എത്തിയ ശേഷം മണ്‍സൂണിന്റെ മുന്നോട്ടുള്ള ഗതി സുഗമമായിരിക്കില്ലെന്നും പ്രവചനത്തില്‍ പറയുന്നു.

93 ശതമാനം മഴയാണ് ഈ വര്‍ഷം സ്‌കൈമെറ്റ് പ്രവചിക്കുന്നത്. 96 മുതല്‍ 104 വരെ ശതമാനം മഴയാണ് നോര്‍മല്‍ മണ്‍സൂണ്‍ ആയി കണക്കാക്കുന്നത്.