മദ്യലഹരിയില്‍ ബൈക്കുമായി അമിതവേഗതയില്‍ 'പറന്ന്' യുവാക്കള്‍ ; പൊലീസുകാരെ ഇടിച്ചുതെറിപ്പിച്ചു; ഗുരുതര പരിക്ക്, കേസ് 

അപകടമുണ്ടാക്കിയ ബൈക്ക് യാത്രികര്‍ക്കെതിരേ മനപൂര്‍വമല്ലാത്ത നരഹത്യയ്ക്ക് കേസെടുത്തു
മദ്യലഹരിയില്‍ ബൈക്കുമായി അമിതവേഗതയില്‍ 'പറന്ന്' യുവാക്കള്‍ ; പൊലീസുകാരെ ഇടിച്ചുതെറിപ്പിച്ചു; ഗുരുതര പരിക്ക്, കേസ് 
Updated on: 
1 min read

കൊല്ലം: മദ്യലഹരിയില്‍ അമിതവേഗതയില്‍ ബൈക്കിലെത്തിയ യുവാക്കള്‍ പട്രോളിങ് ഡ്യൂട്ടിയിലുണ്ടായിരുന്ന പൊലീസുകാരെ ഇടിച്ചുതെറിപ്പിച്ചു. കൊല്ലം ചിന്നക്കടയില്‍ ബുധനാഴ്ച അര്‍ധരാത്രിയായിരുന്നു സംഭവം. റോഡില്‍ വാഹനങ്ങള്‍ പരിശോധിക്കുകയായിരുന്ന ശ്രീജിത്ത്, പ്രശാന്ത് എന്നീ പൊലീസുകാര്‍ക്കാണ് പരിക്കേറ്റത്.  

അപകടമുണ്ടാക്കിയ ബൈക്ക് യാത്രികര്‍ക്കെതിരേ മനപൂര്‍വമല്ലാത്ത നരഹത്യയ്ക്ക് കേസെടുത്തു. തലയ്ക്ക് ഗുരുതരമായ പരിക്കേറ്റ് ശ്രീജിത്തിനെ ആദ്യം ജില്ലാ ആശുപത്രിയിലേക്കും പിന്നീട് തിരുവനന്തപുരത്തെ സ്വകാര്യ ആശുപത്രിയിലേക്കും മാറ്റി. പ്രശാന്ത് പരിക്കുകളോടെ ജില്ലാ ആശുപത്രിയില്‍ ചികിത്സയിലാണ്. 

ബൈക്ക് ഓടിച്ച വിന്‍സന്റ് പൊലീസ് കാവലില്‍ ജില്ലാ ആശുപത്രിയില്‍ ചികിത്സയിലാണ്. ബൈക്കിലുണ്ടായിരുന്ന സനലിനെ സംഭവസ്ഥലത്തുവെച്ചുതന്നെ പൊലീസ് കസ്റ്റഡിയിലെടുത്തിരുന്നു.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER