തിരുവനന്തപുരം : ശബരിമല സന്നിധാനത്ത് പ്രതിഷേധിച്ചവരെ പൊലീസ് അറസ്റ്റ് ചെയ്ത നടപടിയെ രൂക്ഷമായി വിമര്‍ശിച്ച് പ്രതിപക്ഷ നേതാവ് രമേശ് ചെന്നിത്തല. ശബരിമലയിലെ പൊലീസ് നടപടി അംഗീകരിക്കാനാകില്ല. സന്നിധാനത്ത് മഴ പെയ്തപ്പോള്‍ പന്തലില്‍ കയറിയിരുന്നവരെയാണ് പൊലീസ് അറസ്റ്റ് ചെയ്തത്. മഴ പെയ്തപ്പോള്‍ നടപന്തലില്‍ കയറിയിരുന്നത് തെറ്റാണോയെന്നും ചെന്നിത്തല ചോദിച്ചു. ഭക്തരെയെല്ലാം ബിജെപിക്കാരാക്കാനാണ് പൊലീസ് ശ്രമിക്കുന്നത്.
അറസ്റ്റിലായവര്‍ എല്ലാവരും ബിജെപിക്കാരല്ല. മുഖ്യമന്ത്രി പിണറായി വിജയന്‍ ഹിറ്റ്‌ലറാകാനാണ് ശ്രമിക്കുന്നത്. വിശ്വാസികളെയെല്ലാം ബിജെപിയിലേക്ക് റിക്രൂട്ട് ചെയ്യുന്ന പണിയാണോ പിണറായി വിജയന്‍ ഏറ്റെടുത്തിരിക്കുന്നതെന്നും രമേശ് ചെന്നിത്തല ചോദിച്ചു. ബിജെപിക്കാരായ ഭക്തര്‍ക്ക് ശബരിമലയില്‍ ദര്‍ശനം നടത്താന്‍ അവകാശമില്ലേയെന്നും ചെന്നിത്തല ചോദിച്ചു.
ശബരിമലയില്‍ രാത്രിയില്‍ നടന്ന പൊലീസ് അതിക്രമങ്ങളെ ശക്തമായി അപലപിക്കുന്നു. ഇക്കാര്യം സിറ്റിംഗ് ജഡ്ജിയെകൊണ്ട് അന്വേഷിപ്പിക്കാന്‍ സര്‍ക്കാര്‍ തയ്യാറാകണം. ശബരിമലയില്‍ പൊലീസിനെ ഉപയോഗിച്ച ഭക്തരെ അടിച്ചമര്‍ത്താനാണ് നീക്കമെങ്കില്‍ വലിയ തിരിച്ചടി സര്‍ക്കാരിന് നേരിടേണ്ടി വരുമെന്ന് ചെന്നിത്തല പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
