

തിരുവനന്തപുരം: മികച്ച മുഖ്യമന്ത്രിക്കുള്ള ഗാന്ധി ഗ്ലോബൽ ഫൗണ്ടേഷന്റെ ഗാന്ധിദർശൻ പുരസ്കാരം പിണറായി വിജയന്. ഗാന്ധി ദർശൻ അന്തർദേശീയ പുരസ്ക്കാരം തിബറ്റ് ആത്മീയ ആചാര്യൻ ദലൈലാമക്ക് സമ്മാനിക്കും. കേന്ദ്രമന്ത്രി അരുൺ ജയ്റ്റിലിക്ക് മികച്ച പാർലമെന്റേറിയനുള്ള അവാർഡ് നൽകും. ജസ്റ്റിസ് കെ.ടി തോമസ്, മുൻ ലോക്സഭാ സെക്രട്ടറി ജനറൽ പി.ഡി.ടി ആചാരി എന്നിവരടങ്ങിയ ജൂറിയാണ് അവാർഡ് ജേതാക്കളെ നിർണയിച്ചത്. ഫൗണ്ടേഷൻ ഭാരവാഹികൾ തിരുവനന്തപുരത്ത് വാർത്തസമ്മേളനത്തിലാണ് അവാർഡുകൾ പ്രഖ്യാപിച്ചത്.
മാർ ക്രിസോസ്റ്റം മെത്രാപൊലീത്ത, ശ്രീ ശ്രീ രവിശങ്കർ, ലക്ഷ്മികുട്ടിയമ്മ, ഡോ. ടി.കെ ജയകുമാർ, എം.എ യൂസഫലി, ബി.ആർ ഷെട്ടി, ബി ഗോവിന്ദൻ, ജോസഫ് പുലിക്കുന്നേൽ (മരണാനന്തര പുരസ്ക്കാരം) എന്നിവരും വിവിധമേഖലകളിൽ അവർഡിനർഹരായി. പുരസ്ക്കാരങ്ങൾ മാർച്ചിൽ ഡൽഹിയിൽ ചേരുന്ന സമ്മേളനത്തിൽ വിതരണം ചെയ്യും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates