തിരുവനന്തപുരം: മുഖ്യമന്ത്രിയെ ഗവര്‍ണര്‍ വിളിച്ചുവരുത്തിയ നടപടി അസ്വാഭിവകമായി കാണേണ്ടതില്ലെന്ന് സിപിഎം. സിപിഎം സെക്രട്ടറിയേറ്റിന്റെതാണ് വിലയിരുത്തല്‍. സര്‍ക്കാരും ഗവര്‍ണറും തമ്മില്‍ നല്ല ബന്ധമാണ് നിലനില്‍ക്കുന്നത്. നേരത്തെയും സംസ്ഥാനത്തെ ക്രമസമാധാനവുമായി ബന്ധപ്പെട്ട് ഗവര്‍ണര്‍ നിരവധി വിശദീകരണം തേടിയിരുന്നു. ഈ സാഹചര്യത്തിലാണ് ഗവര്‍ണര്‍ മുഖ്യമന്ത്രിയെ വിളിച്ചു വരുത്തിയത്. മറ്റ് തരത്തില്‍ ഈ വാര്‍ത്ത പ്രചരിപ്പിക്കുന്നവരുടെ വലയില്‍ വീഴേണ്ടതില്ലെന്ന പൊതുവികാരമാണ് സെക്രട്ടറിയേറ്റില്‍ ഉയര്‍ന്നത്.
അതേസമയം മാധ്യമപ്രവര്‍ത്തകര്‍ക്ക് നേരെയുള്ള മുഖ്യമന്ത്രിയുടെ വിവാദ പരാമര്‍ശം സെക്രട്ടറിയേറ്റില്‍ ചര്‍ച്ചയായിട്ടില്ല. സംസ്ഥാനസമ്മേളന വേദി ഏതായിരിക്കും എന്ന കാര്യത്തില്‍ ഇന്നത്തെ യോഗത്തില്‍ തീരുമാനമുണ്ടായേക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
