കൊടുങ്ങല്ലൂര്‍: മുമ്പത്ത് നിന്ന് ന്യൂസിലന്റിലേക്ക് കടക്കാന്‍ ശ്രമിച്ച സംഘത്തിലെ രണ്ട്‌പേരെ കേരള പൊലീസ് ഡല്‍ഹിയില്‍ കണ്ടെത്തി. ബോട്ടില്‍ കയറാന്‍ കഴിയാതിരുന്ന ഡല്‍ഹി സ്വദേശികളായ ദീപക്, പ്രഭു എന്നിവരെയാണ് ഡല്‍ഹിയില്‍ നിന്നും കണ്ടെത്തിയത്. ഡല്‍ഹിയിലെ മന്ദഗിരി കോളനിയില്‍ നിന്നാണ് ഇവരെ പൊലീസ് പിടികൂടിയത്.
ചോദ്യം ചെയ്യലില്‍ പണമിടപാട് സംബന്ധിച്ച വിവരങ്ങള്‍ ലഭിച്ചിട്ടുണ്ട്. ഒരാളില്‍ നിന്നും ഒന്നരലക്ഷം രൂപ വാങ്ങിയെന്നാണ് ദീപക്കിന്റെ മൊഴി. ഇവരെ കൂടുതല്‍ ചോദ്യം ചെയ്യാനായി കേരളത്തിലേക്ക് കൊണ്ടുവരും.
കൊടുങ്ങല്ലൂര്‍ പൊലീസ് നല്‍കിയ വിവരങ്ങളുടെ അടിസ്ഥാനത്തില്‍ ഡല്‍ഹിയിലുള്ള ക്രൈം ഡിറ്റാച്ച്‌മെന്റ് ഡിവൈഎസ്പി സോജന്റെ നേതൃത്വത്തിലുള്ള സംഘമാണ് ഇവരെ കണ്ടെത്തിയത്. തിരക്കില്‍ പെട്ടതുകൊണ്ടാണ് ഇവര്‍ക്ക് മുനമ്പത്ത് നിന്ന് ബോട്ടില്‍ കയറാനാകാതെ മടങ്ങേണ്ടി വന്നത്.
ഇരുവരുടേയും ഭാര്യമാരും കുട്ടികളും ന്യൂസിലാന്റിലേക്കുള്ള ബോട്ടില്‍ കയറിപ്പോയിട്ടുണ്ട്. ഇതില്‍ പ്രഭുവിന്റെ കുട്ടിക്ക് നാല് മാസം മാത്രമാണ് പ്രായം. ദീപകും പ്രഭുവും ചെന്നൈ വഴിയാണ് ഡല്‍ഹിയിലേക്ക്് തിരിച്ച് പോയത്. ഇന്നലെ രാവിലെ ഡല്‍ഹിയിലെ താമസസ്ഥലത്ത് എത്തുകയും ചെയ്തു. ഇരുപതോളം പേര്‍ ഇത്തരത്തില്‍ ബോട്ടില്‍ കയറാതെ മടങ്ങിയെന്നാണ് പൊലീസിന് ലഭിച്ച വിവരം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
