തൃശൂര്‍: മേലുദ്യോഗസ്ഥര്‍ തന്നെ കള്ളക്കേസില്‍ കുടുക്കാന്‍ ശ്രമിക്കുകയാണ് എന്നാരോപിച്ച് രംഗത്ത് വന്ന എസ്‌ഐയ്ക്ക് സസ്‌പെന്‍ഷന്‍. തൃശൂര്‍ സിറ്റി ട്രാഫിക് എന്‍ഫോഴ്‌സ്‌മെന്റ് യൂണിറ്റ് എസ്‌ഐ പിഎസ് ദിനേശനെയാണ് സസ്‌പെന്റ് ചെയ്തത്. മാധ്യമങ്ങളിലൂടെ സേനയെ അപമാനിച്ചുവെന്ന് ചൂണ്ടിക്കാട്ടിയാണ് സസ്‌പെന്റ് ചെയ്തിരിക്കുന്നത്. തൃശൂര്‍ റേഞ്ച് ഡിഐജിയുടേതാണ് നടപടി.
മേലുദ്യോഗസ്ഥരുടെ പ്രതികാര നടപടികളെക്കുറിച്ച് നേരത്തെ ദിനേശന് തുറന്നുപറച്ചില്‍ നടത്തിയിരുന്നു. ഒരുകൂട്ടം മേലുദ്യോഗസ്ഥരുടെ നേതൃത്വത്തില്‍ തന്നെ കള്ളക്കേസില്‍ കുടുക്കാന്‍ ശ്രമിച്ചെന്ന് ദിനേശന് സമകാലിക മലയാളം വാരികയോട് പറഞ്ഞിരുന്നു. നീണ്ട നിയമപോരാട്ടങ്ങള്‍ക്ക് ഒടുവിലാണ് ദിനേശന് സര്‍വീസില്‍ തിരിച്ചെത്തിയത്. വിരമിക്കാന്‍ ഒരുവര്‍ഷം മാത്രം ബാക്കിനില്‍ക്കെയാണ് ഇപ്പോള്‍ ദിനേശന് എതിരെയുള്ള നപടി.
താന്‍ വിരമിച്ചാലും പെന്‍ഷന്‍ വാങ്ങി ജീവിക്കാന്‍ അനുവദിക്കില്ലെന്നാണ് മേലുദ്യോഗസ്ഥര്‍ ഭീഷണിപ്പെടുത്തുന്നതെന്ന് ദിനേശന് പറഞ്ഞിരുന്നു. നിരന്തരമായ സ്ഥലം മാറ്റങ്ങളും നടപടികളും തന്റെ കുടുംബം തകര്‍ക്കുന്നതുവരെയെത്തിയെന്നും തന്നെ വേട്ടയാടുന്നത് പൊലീസ് സേനയില്‍ തന്നെ ഉള്ളവരാണെന്നും ദിനേശന് പറഞ്ഞിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
