മൈസൂരുവില്‍ വാഹനാപകടം: രണ്ട് മലയാളികള്‍ മരിച്ചു 

മൈസൂരൂ: ബംഗളൂരു ദേശീയപാതയിൽ വാഹനാപകടത്തിൽ രണ്ട് മലയാളികൾ മരിച്ചു. കാസർകോട് അണക്യരിലെ ഓട്ടോ ഡ്രൈവറും ഉളിയത്തടുക്ക എസ്.പി.നഗറിലെ അബ്ദുൽ ലത്തീഫ് ആയിഷ ദമ്പതികളുടെ മകൻ മുഹമ്മദ് ജുനൈദ് (28), എസ്.പി നഗറിലെ ഉസ്മാൻ - ഖദീജ ദമ്പതികളുടെ മകൻ അസ്ഹറുദ്ദീൻ (26) എന്നിവരാണ് മരിച്ചത്.

ഇന്ന് പുലർച്ചെയാണ് അപകടം. കാസർകോട് നിന്നും ഇരുവരും പാർസൽ സാധനങ്ങൾ വാങ്ങാൻ പോകുമ്പോഴാണ് ദുരന്തം. എൽവാൽ എന്ന സ്ഥലത്തു വച്ച് ഇവർ സഞ്ചരിച്ചിരുന്ന പിക്കപ്പും കർണാടക ആർ.ടി.സി ബസുമായി കൂട്ടിയിടിച്ചാണ് അപകടം നടന്നത്.