മൊബൈല്‍ മോഷ്ടിച്ചെന്ന് ആരോപണം; തലസ്ഥാന നഗരത്തെ വിറപ്പിച്ച് വീണ്ടും ഗുണ്ടാവിളയാട്ടം; 14 കാരന്‍ ഗുരുതരാവസ്ഥയില്‍

തിരുവനന്തപുരം: തലസ്ഥാന നഗരിയില്‍ വീണ്ടും ഗുണ്ടാ വിളയാട്ടം. മൊബൈല്‍ ഫോണ്‍ മോഷ്ടിച്ചെന്ന് ആരോപിച്ച് ഒരു സംഘം പതിനാലുകാരനെ ക്രൂരമായി മര്‍ദ്ദിച്ചു. മര്‍ദ്ദനത്തില്‍ സാരമായി പരുക്കേറ്റ കുട്ടിയെ ആശുപത്രിയിലെത്തിച്ചു.

സംഘം നീരജിന്റെ കൈകാലുകള്‍ തല്ലിയൊടിച്ചു. മര്‍ദ്ദനത്തില്‍ കുട്ടിയുടെ ആന്തരികാവയവങ്ങള്‍ക്കും സാരമായി പരുക്കേറ്റതായാണ് റിപ്പോര്‍ട്ടുകള്‍. സംഭവത്തില്‍ കൊലക്കേസ് പ്രതിയടക്കം രണ്ടുപേര്‍ അറസ്റ്റിലായിട്ടുണ്ട്.

ആക്രമണത്തിനിടയില്‍ നീരജ് ബന്ധുവിനെ ഫോണില്‍ വിളിച്ച് വിവരം അറിയിക്കുകയായിരുന്നു. ഗുണ്ടകളുടെ ആക്രമണത്തില്‍നിന്നും പരുക്കേറ്റ കുട്ടി തലനാരിഴയ്ക്കാണ് രക്ഷപ്പെട്ടത്.