യുവതിയുടെ ന​ഗ്ന വീഡിയോ സാമൂഹിക മാധ്യമ ​ഗ്രൂപ്പിലൂടെ പ്രചരിപ്പിച്ചു; സമുദായ നേതാവ് അറസ്റ്റിൽ

കോതമം​ഗലം: യുവതിയുടെ ന​ഗ്ന വീഡിയോ സാമൂഹിക മാധ്യമ ​ഗ്രൂപ്പിലൂടെ പ്രചരിപ്പിച്ച സമുദായ സംഘടനാ ഭാരവാഹിയെ കോതമം​ഗലം പൊലീസ് അറസ്റ്റ് ചെയ്തു. പത്തനംതിട്ട പഴകുളം സ്വദേശി മനീഷ് ആണ് അറസ്റ്റിലായത്. സമുദായ സംഘടനയുടെ കീഴിലുള്ള ചാരിറ്റബിൾ ട്രസ്റ്റിന്റെ പ്രധാന ഭാരവാ​ഹിയാണ് മനീഷ്.

മുൻ ഭാരവാ​ഹിയായ യുവതിയാണ് പരാതിയുമായി പൊലീസിനെ സമീപിച്ചത്. സംഘടനയ്ക്ക് അപകീർത്തിയുണ്ടാക്കിയെന്ന് കാണിച്ച് മനീഷിനെതിരെ ട്രസ്റ്റ് അം​ഗവും പൊലീസിൽ പരാതി നൽകി. 

വീഡിയോ കോൾ വഴി അബദ്ധത്തിൽ ന​ഗ്ന ദൃശ്യം പ്രതിയുടെ പക്കലത്തിയെന്നാണ് യുവതിയുടെ മൊഴി. ഇൻസ്പെക്ടർ ടിഡി സുനിൽ കുമാറിന്റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. പ്രതിയെ കോടതി റിമാൻഡ‍് ചെയ്തു.