തിരുവനന്തപുരം:വിദേശ വനിത ലിഗയുടെ ദുരൂഹമരണവുമായി ബന്ധപ്പെട്ട് ചില മാധ്യമങ്ങളില് സര്ക്കാരിനെതിരെ തെറ്റായ പ്രചരണം നടന്നുവെന്ന് സഹോദരി ഇലിസ്. ഇതില് അതിയായ ദു:ഖം രേഖപ്പെടുത്തിയ ഇലിസ് ഇതിന് സര്ക്കാരിനോട് ക്ഷമ ചോദിച്ചു. സഹോദരിയുടെ മരണവുമായി ബന്ധപ്പെട്ട് സര്ക്കാര് നല്കിയ പിന്തുണയ്ക്കും സഹായത്തിനും മുഖ്യമന്ത്രി പിണറായി വിജയനെ നേരിട്ട് കണ്ട് ഇലിസ് നന്ദി അറിയിച്ചു.
വിഷമഘട്ടത്തില് സര്ക്കാരില്നിന്ന് എല്ലാവിധ പിന്തുണയും ലഭിച്ചിട്ടുണ്ടെന്ന് അവര് പറഞ്ഞു. എന്നിട്ടും ചില മാധ്യമങ്ങളില് സര്ക്കാരിനെതിരെ തെറ്റായ പ്രചരണം വന്നതില് അതിയായ ദുഃഖമുണ്ട്. അതിന് ക്ഷമ ചോദിക്കാന് കൂടിയാണ് താന് വന്നതെന്ന് ഇലിസ് പറഞ്ഞതായി മുഖ്യമന്ത്രി പിണറായി വിജയന് ഫെയ്സ്ബുക്ക് പോസ്റ്റില് അറിയിച്ചു.
തെറ്റായ വാര്ത്തകളും പ്രചാരണവും ഉണ്ടായതില് വിഷമിക്കേണ്ടെന്നും അതിന് പിന്നില് രാഷ്ട്രീയ ഉദ്ദേശ്യമാണെന്നും മുഖ്യമന്ത്രി അവരോട് പറഞ്ഞു. ദുഃഖകരമായ ഈ സംഭവത്തില് സര്ക്കാരിന് സാധ്യമായതെല്ലാം ചെയ്യുന്നുണ്ട്. സര്ക്കാര് ലിഗയുടെ കുടുംബത്തോടൊപ്പമുണ്ടെന്നും പിണറായി പറഞ്ഞു.
ഡിജിപിയെ സന്ദര്ശിച്ചപ്പോള് അദ്ദേഹം എല്ലാ സഹായവും ചെയ്തിട്ടുണ്ടെന്നും ഇലിസ് പറഞ്ഞു. നിയമനടപടികള് പൂര്ത്തിയായതിനാല് ലിഗയുടെ മൃതദേഹം മേയ് 3 വ്യാഴാഴ്ച തൈക്കാട് ശാന്തികവാടത്തില് സംസ്കരിക്കും. ടൂറിസം വകുപ്പ് മുന്കൈയെടുത്ത് മെയ് ആറിന് ഞായറാഴ്ച നിശാഗന്ധിയില് ലിഗ അനുസ്മരണ പരിപാടി സംഘടിപ്പിക്കുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
