തിരുവനന്തപുരം: ലോക്ക്ഡൗണ് ലംഘിച്ച് വിദേശികള് കൂട്ടത്തോടെ കടല്തീരത്ത്. കോവളം ബീച്ചിലാണ് വിനോദസഞ്ചാരികള് കൂട്ടത്തോടെ എത്തിയത്. രാവിലെ ലൈഫ് ഗാര്ഡുമാര് വരുന്നതിനും മുന്പായിരുന്നു സംഭവം. ചൊവ്വാഴ്ച രാവിലെ ആറരയോടു കൂടിയുള്ള ദൃശ്യങ്ങളാണ് പുറത്തുവന്നത്.
കോവളം ബീച്ചില് ലൈറ്റ്ഹൗസിനോട് ചേര്ന്നുള്ള ഭാഗത്താണ് മുപ്പതിലേറേ വിനോദ സഞ്ചാരികള് കൂട്ടമായി കടലില് കുളിക്കാന് ഇറങ്ങിയത്. ലൈഫ് ഗാര്ഡുമാരുടെ ഡ്യൂട്ടി രാവിലെ ഏഴുമണിക്കാണ് ആരംഭിക്കുന്നത്. അവര് എത്തിയപ്പോഴാണ് ഇത്തരമൊരു കാര്യം ശ്രദ്ധയില്പെട്ടത്. ലൈഫ് ഗാര്ഡുമാര് ശക്തമായ താക്കീത് ചെയ്തതോടെ വിദേശികള് ഹോട്ടല് മുറികളിലേക്കു മടങ്ങാന് തയാറായി.
ലൈഫ് ഗാര്ഡുമാര് ഡ്യൂട്ടിക്കു വരുന്നതിനു മുന്പ് ലോക്ഡൗണ് ദിവസങ്ങളില് നിയന്ത്രണങ്ങള് തെറ്റിച്ചു പതിവായി വിദേശികള് ഇവിടെ കുളിക്കാനായി ഇറങ്ങാറുണ്ടെന്ന വിവരവും പിന്നാലെ പുറത്തു വന്നു. ലോക്ക്ഡൗണ് ലംഘനം പരിശോധിക്കുമെന്നു ടൂറിസം മന്ത്രി കടകംപള്ളി സുരേന്ദ്രന് പറഞ്ഞു. സംസ്ഥാനത്തിന്റെ സംരക്ഷണയിലുള്ളവര് ഇങ്ങനെ ചെയ്യാന് പാടില്ലായിരുന്നുവെന്നും മന്ത്രി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
