വനിതാ മതിൽ രാഷ്ട്രീയ ലക്ഷ്യം വച്ചുള്ള നീക്കം,സമൂഹത്തെ ഭിന്നിപ്പിച്ചില്ല നവോത്ഥാന മൂല്യം ഉയർത്തേണ്ടത്; വിമർശനമുന്നയിച്ച് കെസിബിസി 

തിരുവനന്തപുരം: നവോത്ഥാന മൂല്യങ്ങള്‍ ഉയര്‍ത്തിക്കാട്ടി സര്‍ക്കാര്‍ സംഘടിപ്പിക്കുന്ന വനിതാ മതിലിനെതിരെ കേരള കാത്തലിക് ബിഷപ്പ്സ് കൗൺസിൽ രംഗത്ത്. രാഷ്ട്രീയ ലക്ഷ്യം വച്ചുള്ള വിഭാഗീയ നീക്കമാണ് വനിതാമതിലിന് പിന്നിലെന്ന് കെസിബിസി ആരോപിച്ചു. 

സമൂഹത്തെ ഭിന്നിപ്പിച്ചില്ല നവോത്ഥാന മൂല്യം ഉയർത്തേണ്ടതെന്നും ഇതിന്റെ പേരിൽ സമൂഹത്തിൽ ചേരിതിരിവ് ഉണ്ടാക്കുന്നത് ശരിയല്ലെന്നും കെസിബിസി അറിയിച്ചു. ചിലരെ മാത്രം വനിതാമതിലിന്റെ പ്രചാരകരാായി ചിത്രീകരിക്കുന്നത് സമൂഹത്തിൽ തെറ്റായ സന്ദേശം നൽകുമെന്നും സർക്കാരിന്റെ ഈ നീക്കം ഉപേക്ഷിക്കണമെന്നും  കെസിബിസി വ്യക്തമാക്കി.