പാലക്കാട്: എകെജിക്കെതിരെ അധിക്ഷേപകരമായ പരാമര്ശം നടത്തിയ വിടി ബല്റാം എംഎല്എയ്ക്കെതിരെ ചീമുട്ടയേറ്. തൃത്താല കൂറ്റനാട്ട് സ്വകാര്യ പരിപാടിക്ക് എത്തിയപ്പോഴായിരുന്നു പ്രതിഷേധവുമായി എത്തിയ ഇടതു സംഘടനാ പ്രവര്ത്തകര് ബല്റാമിനു നേരെ ചീമുട്ടയെറിഞ്ഞത്. ബല്റാമിനെ പ്രതിരോധിച്ച് യുഡിഎഫ് പ്രവര്ത്തകര് എത്തിയതോടെ സ്ഥലത്ത് സംഘര്ഷമുണ്ടായി.
രാവിലെ ഒന്പതരയോടെയാണ് സ്വകാര്യ പരിപാടിയുടെ ഉദ്ഘാടനത്തിനായി വിടി ബല്റാം എത്തിയത്. ഇവിടെ നേരത്തെ തന്നെ സിപിഎം പ്രവര്ത്തകര് പ്രതിഷേധവുമായി എത്തിയിരുന്നു. ജാഥയായി എത്തിയ ഇവര് ബല്റാം വാഹനത്തില് നിന്ന് ഇറങ്ങിയപ്പോള് ചീമുട്ടയെറിയുകയായിരുന്നു. പിന്നീട് എംഎല്എയുടെ വാഹനത്തിനു നേരെ കല്ലേറുമുണ്ടായി.
സിപിഎം പ്രവര്ത്തകരെ പ്രതിരോധിക്കാന് യുഡിഎഫ് പ്രവര്ത്തകര് രംഗത്തിറങ്ങിയതോടെ പ്രദേശത്ത് സംഘര്ഷം ഉടലെടുത്തു. ചുരുക്കം പൊലീസുകാര് മാത്രമാണ് ഇവിടെയുണ്ടായിരുന്നത്. പൊലീസിന് സ്ഥിതിഗതികള് നിയന്ത്രിക്കാനാവാത്ത സാഹചര്യത്തില് ഇരുപക്ഷവും ചേരിതിരിഞ്ഞ് ഏറ്റുമുട്ടി. ഇരു വിഭാഗവും പരസ്പരം കല്ലെറിഞ്ഞു. കൂടുതല് പൊലീസ് എത്തി ഇവരെ വിരട്ടിയോടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
