വീണ്ടും കര്‍ഷക ആത്മഹത്യ; ജപ്തി ഭീഷണിയെത്തുടര്‍ന്ന് തൃശൂരില്‍ കര്‍ഷകന്‍ ജീവനൊടുക്കി 

തൃശൂര്‍; സംസ്ഥാനത്ത് വീണ്ടും കര്‍ഷക ആത്മഹത്യ. ജപ്തി ഭീഷണിയെത്തുടര്‍ന്ന് തൃശൂരില്‍ കര്‍ഷകന്‍ ആത്മഹത്യ ചെയ്തു. വാഴ കര്‍ഷകനായിരുന്ന മരോട്ടിച്ചാല്‍ സ്വദേശി ഔസേപ്പാണ് ആത്മഹത്യ ചെയ്തത്.

ജപ്തി നോട്ടീസ് കിട്ടിയതിന് പിന്നാലെയാണ് ആത്മഹത്യ ചെയ്ത നിലയില്‍ കണ്ടെത്തിയത്. മരോട്ടിച്ചാല്‍ ബാങ്ക് ഓഫ് ഇന്ത്യയുടെ ശാഖയില്‍ നിന്ന് 75000 രൂപ ഔസേപ്പ് കടമെടുത്തിരുന്നു. ജപ്തി നോട്ടീസ് വന്നതോടെ വായ്പ തിരിച്ചടവിന് സാവകാശം തേടിയെങ്കിലും അനുവദിച്ചില്ല. ഇതിന് പിന്നാലെയാണ് ആത്മഹത്യ. കഴിഞ്ഞ രണ്ടു പ്രളയത്തിലും അദ്ദേഹത്തിന് കൃഷിനാശമുണ്ടായിരുന്നു.