മലപ്പുറം: ഉപതെരഞ്ഞെടുപ്പ് നടക്കാന്‍ പോകുന്ന വേങ്ങരയില്‍ വെല്‍ഫെയര്‍ പാര്‍ട്ടി മത്സരിക്കില്ല. കേരള രാഷ്ട്രീയത്തെ പ്രത്യേകമായി ഏതെങ്കിലും നിലയ്ക്ക് സ്വാധീനിക്കുന്ന രാഷ്ട്രീയ പ്രസക്തി ഇല്ലാത്തതിനാലാണ് ഈ തീരുമാനമെന്ന് വെല്‍ഫെയര്‍ പാര്‍ട്ടി വ്യക്തമാക്കി.
പ്രത്യേക സാഹചര്യമുണ്ടെങ്കില്‍ മാത്രമേ ഉപതെരഞ്ഞെടുപ്പില്‍ മത്സരിക്കുകയുള്ളു എന്ന പാര്‍ട്ടി നയത്തിനനുസരിച്ചാണ് തീരുമാനം. ദേശീയ രാഷ്ട്രീയത്തിനോ സംസ്ഥാന രാഷ്ട്രീയത്തിനോ എന്തെങ്കിലും സ്വാധീനം ചെലുത്തുന്ന ഫലം വേങ്ങരയില്‍ സംഭവിക്കാനിടയില്ലെന്നും വെല്‍ഫെയര്‍ പാര്‍ട്ടി പ്രതികരിച്ചു.
വെല്‍ഫെയര്‍ പാര്‍ട്ടി വോട്ടുകള്‍ ആര്‍ക്ക് ചെയ്യണമെന്ന് മത്സരരംഗം കൂടുതല്‍ വ്യക്തമായ ശേഷം തീരുമാനിക്കുമെന്ന് സംസ്ഥാന പ്രസിഡണ്ട് ഹമീദ് വാണിയമ്പലം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
