തിരുവനന്തപുരം: കടുത്ത രാഷ്ട്രീയ പോരാട്ടമായിരിക്കും ഇത്തവണ തിരുവനന്തപുരം മണ്ഡലത്തിലേതെന്ന് എല്ഡിഎഫ് സ്ഥാനാര്ഥി സി ദിവാകരന്. ഒരു സ്ഥാനാര്ഥിയെയും കുറച്ചുകാണുന്നില്ലെന്നും എന്നാല് മത്സരം വ്യക്തികള് തമ്മില് അല്ലെന്നും ദിവാകരന് പറഞ്ഞു. കുമ്മനം രാജശേഖരന് ബിജെപി സ്ഥാനാര്ഥിയാവുന്നതിനോടു പ്രതികരിക്കുകയായിരുന്നു ദിവാകരന്.
തെരഞ്ഞെടുപ്പിന് നാമനിര്ദേശം നല്കിയാല് ഒരാള് സ്ഥാനാര്ഥിയാണ്. അങ്ങനെയൊരു സ്ഥാനാര്ഥിയായി മാത്രമേ കുമ്മനത്തെ കാണുന്നുള്ളൂ. വേറൊരു സ്ഥാനാര്ഥി, അല്ലാതെന്താ- ദിവാകരന് ചോദിച്ചു.
പ്രസ്ഥാനങ്ങള് എല്ലാം ശക്തം തന്നെയാണ്. ആരെയും കുറച്ചുകാണുന്നില്ല. കടുത്ത രാഷ്ട്രീയ മത്സരമാണ് തിരുവനന്തപുരത്ത് നടക്കുക. പോരാട്ടം പരിപാടികള് തമ്മിലാണ്, വ്യക്തികള് തമ്മിലല്ല. ശക്തരായ സ്ഥാനാര്ഥികള്ക്കിടയില് കൂടുതല് ശക്തനായാണ് താന് വരുന്നതെന്നും ദിവാകരന് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
