ബംഗളൂരു: ശബരിമലയില്‍ യുവതി പ്രവേശനത്തിനെതിരായ പ്രക്ഷോഭം ദേശീയ തലത്തിലേക്ക് വ്യാപിപ്പിക്കുന്നതിന് വേണ്ടിയുള്ള ശബരിമല കര്‍മ സമിതി ദേശീയ ഘടകത്തിന് രൂപം നല്‍കി. അമൃതാനന്ദമയ് രക്ഷാധികാരികളില്‍ ഒരാളാണ്.
സംസ്‌കൃത സര്‍വകലാശാല മുന്‍ വൈസ് ചാന്‍സലര്‍ ഡോ.കെ.എസ്.രാധാകൃഷ്ണന്‍, മുന്‍ ഡിജിപി ടി.പി.സെന്‍കുമാറും കര്‍മ സമിതിയില്‍ ഉപാധ്യക്ഷന്മാരാണ്. സംവിധായകന്‍ പ്രിയദര്‍ശനും സമിതിയില്‍ അംഗമാണ്. പന്തളം കൊട്ടാരം പ്രതിനിധി പി.ശശികുമാര വര്‍മ, കാഞ്ചി ശങ്കരാചാര്യര്‍ വിജയേന്ദ്ര സരസ്വതി, കൊളത്തൂര്‍ മഠാധിപതി ചിദാനന്ദപുരി, അമൃതാനന്ദമയ് എന്നിവരാണ് രക്ഷാധികാരികള്‍.
ന്യൂറോ സര്‍ജന്‍ ഡോ.മാര്‍ത്താണ്ഡപിള്ള, കേരള വനിതാ കമ്മിഷന്‍ മുന്‍ അംഗം ജെ.പ്രമീളാദേവി എന്നിവരും സമിതിയില്‍ അംഗങ്ങളാണ്. സംഘപരിവാര്‍ അനുകൂലികളാണ് ശബരിമല കര്‍മ സമിതി ദേശീയ ഘടകത്തില്‍ ഇടംപിടിച്ചിരിക്കുന്നത്. ശബരിമലയില്‍ യുവതി പ്രവേശനം അനുവദിച്ച സുപ്രീംകോടതി വിധിയെ എതിര്‍ത്തവരേയും സമിതിയില്‍ ഉള്‍പ്പെടുത്തുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
