തിരുവനന്തപുരം : കോവിഡ് പ്രതിസന്ധി മറികടക്കാനായി സര്ക്കാര് ജീവനക്കാരുടെ ശമ്പളം പിടിക്കാനുള്ള ഓര്ഡിനന്സിന് ഗവര്ണറുടെ അംഗീകാരം. സര്ക്കാര് സമര്പ്പിച്ച ഓര്ഡിനന്സില് ഗവര്ണര് ആരിഫ് മുഹമ്മദ് ഖാന് ഒപ്പുവെച്ചു. മാസങ്ങളിലെ ആറു ദിവസത്തെ ശമ്പളം എന്ന ക്രമത്തില് ജീവനക്കാരുടെ ശമ്പളത്തില് നിന്നും അഞ്ചുമാസം തുക മാറ്റിവെക്കാനാണ് സര്ക്കാര് തീരുമാനിച്ചിരുന്നത്.
ഇന്നലെ ചേര്ന്ന മന്ത്രിസഭായോഗമാണ് ഓര്ഡിനന്സിന് അംഗീകാരം നല്കിയത്. ദുരന്ത നിവാരണ നിയമത്തില് ഭേദഗതി വരുത്തിയാണ് ഓര്ഡിനന്സ് ഇറക്കുന്നത്. ഇതനുസരിച്ച് ശമ്പളത്തിന്റെ 25 ശതമാനം വരെ പിടിച്ചുവയ്ക്കാന് സര്ക്കാരിന് അധികാരമുണ്ടാവും. സര്ക്കാര്, അര്ധസര്ക്കാര് ജീവനക്കാര്ക്ക് ഓര്ഡിനന്സ് ബാധകമാണെന്ന് ധനമന്ത്രി ഡോ. തോമസ് ഐസക്ക് പറഞ്ഞു.
മാറ്റിവെച്ച തുക മടക്കിനല്കുന്നത് ആറുമാസത്തിനകം പറഞ്ഞാല് മതിയല്ലോയെന്ന് മന്ത്രി വ്യക്തമാക്കിയിരുന്നു. സാലറി കട്ട് തീരുമാനത്തിനെതിരെ പ്രതിപക്ഷ സര്വീസ് സംഘടനകള് ഹൈക്കോടതിയെ സമീപിച്ചിരുന്നു. ഇതേത്തുടര്ന്ന് ഹൈക്കോടതി സര്ക്കാര് ഉത്തരവ് റദ്ദാക്കി. ഈ പശ്ചാത്തലത്തിലാണ് സര്ക്കാര് ഓര്ഡിനന്സ് പുറപ്പെടുവിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
