കൊച്ചി: ശബരിമലയില്‍ നിലയ്ക്കലില്‍ നിന്ന് പമ്പയിലേക്ക് സ്വകാര്യ വാഹനങ്ങള്‍ കടത്തി വിടാന്‍ ഹൈക്കോടതി അനുമതി. മാസപൂജ സമയത്ത് വാഹനങ്ങള്‍ കടത്തിവിടാന്‍ അനുവദിച്ചു. അഭിഭാഷക കമ്മീഷന്റെ റിപ്പോര്‍ട്ട് പരിശോധിച്ചാണ് കോടതി നടപടി.
സര്‍ക്കാരിന് വാഹനങ്ങള്‍ തടയാനാകില്ലെന്നും എന്നാല്‍ നിയന്ത്രിക്കാമെന്നും കോടതി വ്യക്തമാക്കി. എന്നാല്‍ വാഹനങ്ങള്‍ പമ്പയില്‍ പാര്‍ക്ക് ചെയ്യാനാകില്ലെന്നും നിലയ്ക്കലില്‍ തന്നെ പാര്‍ക്ക് ചെയ്യണമെന്നും കോടതി നിര്‍ദേശിച്ചു.
കഴിഞ്ഞ മണ്ഡലകാലത്താണ് നിലയ്ക്കലില്‍ നിന്ന് പമ്പയിലേക്ക് സ്വകാര്യ വാഹനങ്ങള്‍ കടത്തിവിടുന്നത് നിര്‍ത്തിയത്. നിലയ്ക്കലില്‍ വിശാലമായ പാര്‍ക്കിങ് സംവിധാനവും ഒരുക്കി. പ്രളയാനന്തരം പമ്പയില്‍ സൗകര്യങ്ങള്‍ പരിമിതമായതിനാലായിരുന്നു സര്‍ക്കാര്‍ നടപടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
