മലപ്പുറം: സഹോദരന്‍മാരുടെ മക്കള്‍ കരിങ്കല്‍ ക്വാറിയില്‍ മുങ്ങിമരിച്ചു. താഴത്തെ വീട്ടില്‍ മുഹമ്മദ് കുട്ടിയുടെ മകള്‍ നാജിയ ഷെറിന്‍ (13), മുഹമ്മദ് കുട്ടിയുടെ സഹോദരന്‍ കോയയുടെ മകള്‍ ആയിഷ റിന്‍ഷ (15) എന്നിവരാണ് ആന്തിയൂര്‍കുന്ന് മൂച്ചിത്തോട്ടം കരിങ്കല്‍ ക്വാറിയില്‍ അപകടത്തില്‍ പെട്ടത്.
ഒളവട്ടൂര്‍ യത്തീംഖാന സ്‌കൂളിലെ വിദ്യാര്‍ഥികളാണ് ഇരുവരും. ഇന്നു രാവിലെ പത്തരയോടെയാണ് സംഭവം. അധ്യാപകന്റെ മരണത്തെ തുടര്‍ന്ന് സ്‌കൂളിന് ഇന്ന് അവധിയായിരുന്നു.
വീട്ടിലേക്കു വെള്ളമെത്തിക്കാന്‍ ഇട്ടിരുന്ന പൈപ്പ് പരിശോധിക്കുന്നതിനിടെയാണ് ക്വാറിയിലേക്കു വീണത്. ഉടനെ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
