കൊച്ചി: ഉപജീവനത്തിനായി മീന്‍ വില്‍പ്പന നടത്തി വാര്‍ത്തകളില്‍ നിറഞ്ഞ കോളേജ് വിദ്യാര്‍ത്ഥിനി ഹനാന് വീണ്ടും മീന്‍വില്‍പ്പന തുടങ്ങുന്നു. വ്യാഴാഴ്ച രാവിലെ 10ന് താന്‍ മുമ്പ് മീന്‍വില്‍പ്പന നടത്തിയ തമ്മനം ജംഗ്ഷനില്‍ ഹനാന് മീനുമായി എത്തും.
സ്വന്തം എയ്‌സ് വണ്ടിയുമായാണ് ഹനാന് മീന്‍വില്‍പ്പനയ്ക്ക് എത്തുന്നത്. വാഹനം മീന്‍വില്‍പ്പന നടത്താന്‍ കഴിയുംവിധം ഹനാന്റെ ഇഷ്ടപ്രകാരമാണ് ഡിസൈന്‍ ചെയ്തിരിക്കുന്നത്. മുറിച്ച് വൃത്തിയാക്കിയ മീന്‍ ബോക്‌സുകളില്‍ പായ്ക്ക് ചെയ്താണ് നല്‍കുക. വൈറല്‍ ഫിഷ് എന്നു പേരിട്ടിരിക്കുന്ന മീന്‍വില്‍പ്പനയുടെ ഉദ്ഘാടനം നടന്‍ സലീം കുമാര്‍ നിര്‍വഹിക്കും. തമ്മനത്ത് മീന്‍വില്‍പ്പന നടത്താന്‍ കോര്‍പ്പറേഷന്‍ ഹനാന് അനുമതി നല്‍കിയിട്ടുണ്ട്.
മുമ്പ് മീന്‍വില്‍പ്പനയുമായി ബന്ധപ്പെട്ട് സാമൂഹ്യമാധ്യമങ്ങളില്‍ ആരോപണങ്ങള്‍ ഉയര്‍ന്ന പശ്ചാത്തലത്തിലാണ് ഹനാന് മീന്‍വില്‍പ്പന നിര്‍ത്തേണ്ടി വന്നത്. പിന്നീട് വാഹനാപകടത്തില്‍ പരിക്കേറ്റ ഹനാന് ഇപ്പോള്‍ കൂടുതല്‍ കരുത്തോടെ ജീവിതത്തിലേക്ക് തിരിച്ചുവരികയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
