ഹാദിയ കേസ്; ദേശീയ മനുഷ്യാവകാശ കമ്മീഷനില്‍ എസ്‌ഐഓ പരാതി നല്‍കി

ന്യൂഡല്‍ഹി: ഇസ്ലാം മതം സ്വീകരിച്ച് മുസ്ലീം യുവാവിനെ വിവാഹം ചെയ്തതിന് കേരള ഹൈക്കോടതി വിവാഹം റദ്ദാക്കി രക്ഷിതാക്കളുടെ കൂടെ അയച്ച ഡോ. ഹാദിയക്കുനേരെ നടക്കുന്ന മനുഷ്യാവകാശ ലംഘനങ്ങള്‍ക്കെതിരെ നടപടിയെടുക്കണമെന്ന് ആവശ്യപ്പെട്ട് എസ്‌ഐഓ ദേശീയ മനുഷ്യാവകാശ കമ്മീഷന് പരാതി നല്‍കി.

സംരക്ഷണത്തില്‍ അയച്ചതാണെങ്കിലും ഹാദിയ ഇപ്പോള്‍ വീട്ടുതടങ്കലിലാണ്. പുറംലോകവുമായി യാതൊരു ബന്ധവുമില്ലാതെയാണ് ഹാദിയ കഴിയുന്നത്. അവസരം കിട്ടിയപ്പോള്‍ താന്‍ ആര്‍എസ്എസ് തടവിലാണെന്നും എങ്ങനെയെങ്കിലും രക്ഷിക്കണമെന്നും ഹാദിയ ഭര്‍ത്താവ് ഷഫിന്‍ ജഹാനെ അറിയിച്ചിരുന്നതായും വിവരമുണ്ട്.