ഹോട്ടലിലെത്തിയ രണ്ട് കാറുകള്‍ക്ക് ഒരേ നമ്പര്‍; ദുരൂഹതയെന്ന് പൊലീസ്

 തൃശ്ശൂര്‍: കൊക്കാലയിലെ ഹോട്ടലില്‍ കാറുകള്‍  പാര്‍ക്ക് ചെയ്തത് പതിവുപോലെ പരിശോധിക്കാനെത്തിയ സെക്യൂരിറ്റിക്കാരന്‍ ഞെട്ടി. ഒരേ നമ്പറില്‍ അടുത്തടുത്ത് ദാ രണ്ട് കാറുകള്‍, രണ്ടിനും ഒരേ നമ്പര്‍ പ്ലേറ്റും. 63ബി 9900 എന്ന നമ്പറില്‍ ഹോണ്ടാ സിറ്റിയും ഹ്യുണ്ടായ് ഐ-10 കാറും കിടക്കുന്നു. ഉടന്‍ തന്നെ പൊലീസില്‍ അറിയിച്ചതിനെ തുടര്‍ന്ന് വണ്ടി കസ്റ്റഡിയിലെടുക്കുകയായിരുന്നു.

 പൊലീസ് നടത്തിയ പരിശോധനയില്‍ ശരിക്കുള്ള നമ്പര്‍ പ്ലേറ്റ് ഹോണ്ടാ സിറ്റിയുടേതാണ് എന്ന് കണ്ടെത്തി. ഇതേത്തുടര്‍ന്ന് ഹ്യുണ്ടായ് ഐ-10 ല്‍ ഉണ്ടായിരുന്ന സ്ത്രീയെ കസ്റ്റഡിയിലെടുത്തിട്ടുണ്ട്. കാറുകള്‍ പരിശോധിച്ചതില്‍ നിന്നും നിയമവിരുദ്ധമായി ഒന്നും കണ്ടെത്താന്‍ കഴിഞ്ഞില്ലെന്ന് പൊലീസ് അറിയിച്ചു. ഹ്യുണ്ടായ് പോണ്ടിച്ചേരിയില്‍ രജിസ്‌ട്രേഷന്‍ നടത്തിയതാണെന്നും സംശയമുണ്ട്.