വ്യാഴം ഇനി ഉപ​ഗ്രഹങ്ങളുടെയും രാജാവ്; 12 പുതിയ ഉപ​ഗ്രഹങ്ങളെ കണ്ടെത്തി

വാഷിങ്ടൺ: സൗരയൂഥത്തിലെ ഏറ്റവും വലിയ ​ഗ്രഹമായ വ്യാഴത്തിന് ചുറ്റും പുതിയതായി 12 ഉപ​ഗ്രഹങ്ങളെ കൂടി കണ്ടെത്തി. ഇതോടെ ഏറ്റവും കൂടുതൽ ഉപ​ഗ്രഹങ്ങളുള്ള ​ഗ്രഹമെന്ന സ്ഥാനം ശനിയിൽ നിന്നും വാതകഭീമനായ വ്യാഴം സ്വന്തമാക്കി. 92 ഉപ​ഗ്രഹങ്ങളാണ് ഇപ്പോൾ വ്യാഴത്തിന് ചുറ്റും പരിക്രമണം ചെയ്യുന്നത്. ശനിക്ക് ചുറ്റും ഇതുവരെ 83 ഉപ​ഗ്രഹങ്ങളെയാണ് കണ്ടെത്തിയിട്ടുള്ളത്.  

വാഷിങ്‌ടണിലെ കാർണിജ് ഇൻസ്റ്റിറ്റ്യൂഷൻ സയൻസിലെ ജ്യോതിശാസ്ത്രജ്ഞരായ സ്‌കോട്ട് ഷെപ്പേഡാണ് കണ്ടെത്തലിന് പിന്നിൽ. ഉപകരണങ്ങളുടെ സ്ഥിരീകരണം സംബന്ധിച്ച കൂടുതൽ വിശദാംശങ്ങൾ മൈനർ പ്ലാനെറ്റ് സെന്റർ പ്രസിദ്ധീകരിച്ചു.

വ്യാഴവും അതിന്റെ ഉപ​ഗ്രഹങ്ങളും ചേരുമ്പോൾ ഒരു ചെറിയ സൗരയൂഥം പോലെയാണെന്നാണ് കണ്ടെത്തൽ. വ്യാഴത്തിനെ ചുറ്റുന്നതിൽ ഇവയ്ക്ക് 340 ദിവസത്തിന്റെ വ്യത്യാസമുണ്ട്. ഇവയിൽ ഒൻപതെണ്ണം അകത്തുള്ള ഭ്രമണപഥത്തിലൂടെയാണ് പരിക്രമണം ചെയ്യുന്നത്. അതിൽ ഏറ്റവും പുറത്തുള്ള ഉപ​ഗ്രഹം വ്യാഴത്തെ ചുറ്റാൻ 550 ദിവസമെടുക്കും.

ഈ വാര്‍ത്ത കൂടി വായിക്കൂ 

10 അടിയിലധികം വലുപ്പം, ഭീമൻ ആമ്പൽ ഇലകൾ വിരിയുന്ന വീഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ