സിഡ്‌നി: ഓസ്‌ട്രേലിയയില്‍ വിമാനം തകര്‍ന്നുവീണ് രണ്ട് കുട്ടികള്‍ അടക്കം നാലുപേര്‍ മരിച്ചു. ചെറുവിമാനം പറന്നുയര്‍ന്ന് ഉടനെ തന്നെ തകര്‍ന്നുവീഴുകയായിരുന്നുവെന്നാണ് റിപ്പോര്‍ട്ടുകള്‍.
ഓസ്‌ട്രേലിയയുടെ കിഴക്കന്‍ തീരത്ത് ഞായറാഴ്ച രാവിലെയാണ് സംഭവം. വിനോദയാത്രയ്ക്കായി രണ്ടുകുട്ടികള്‍ അടക്കം മൂന്ന് പേരാണ് ചെറുവിമാനത്തില്‍ കയറിയത്. പൈലറ്റ് അടക്കം നാലുപേരാണ് മരിച്ചത്. വിമാനം പറന്നുയര്‍ന്ന് നിമിഷങ്ങള്‍ക്കകം ബ്രിസ്‌ബെയ്‌ന്റെ വടക്കുകിഴക്കന്‍ മേഖലയിലെ ചതുപ്പുനിലത്തിന് സമീപം നിയന്ത്രണം നഷ്ടപ്പെടുകയായിരുന്നു.
റോക്ക് വെല്‍ ഇന്റര്‍നാഷണല്‍ വിമാനം മോര്‍ട്ടേണ്‍ ബേയില്‍ തലകീഴായി മറിഞ്ഞു കിടക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. സംഭവത്തെ കുറിച്ച് അന്വേഷണത്തിന് ഉത്തരവിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
