'51 പേരെ കൊന്നത് ഞാനാണ്, 40 പേരെ കൂടി ലക്ഷ്യമിട്ടു' ; ക്രൈസ്റ്റ് ചർച്ച് ആക്രമണത്തിൽ പ്രതിയുടെ കുറ്റസമ്മതം

വെ​ല്ലിം​ഗ്ട​ൺ: ന്യൂ​സി​ല​ൻ​ഡ് ക്രൈ​സ്റ്റ് ച​ർ‌​ച്ചി​ൽ മു​സ്‌​ലിം പ​ള്ളി​ക​ളി​ൽ ആ​ക്ര​മ​ണം ന​ട​ത്തി​യ കേ​സി​ലെ പ്ര​തി കു​റ്റ​സ​മ്മ​തം ന​ട​ത്തി.  51 പേ​രെ കൂ​ട്ട​ക്കൊ​ല ചെ​യ്ത കേ​സി​ൽ കൊ​ല​യാ​ളി​യാ​യ ബ്ര​ന്‍റ​ൺ ട​റാ​ന്‍റ് (29) ആ​ണ്  കു​റ്റ സ​മ്മ​തം ന​ട​ത്തി​യ​ത്. മ​റ്റൊ​രു 40 പേ​രെ കൂ​ടി കൊലപ്പെടുത്താ​ൻ ശ്ര​മി​ച്ചി​രു​ന്ന​താ​യും ഇ​യാ​ൾ സ​മ്മ​തി​ച്ചി​ട്ടു​ണ്ട്.

വീ​ഡി​യോ കോ​ൺ​ഫ​റ​ൻ​സിം​ഗ് വ​ഴി​യാ​ണ് ബ്ര​ന്‍റ​ൺ ട​റാ​ന്‍റ് കു​റ്റ​സ​മ്മ​തം ന​ട​ത്തി​യ​ത്. കൊ​റോ​ണ വൈ​റ​സ് വ്യാ​പ​നം മൂ​ലം കോ​ട​തി​യി​ൽ പ്ര​വേ​ശ​നം നി​ജ​പ്പെ​ടു​ത്തി​യി​രു​ന്നു. ആ​ക്ര​മ​ണം ന​ട​ന്ന പ​ള്ളി​ക​ളു​ടെ പ്ര​തി​നി​ധി​ക​ൾ കോടതിയിൽ സന്നിഹിതരായിരുന്നു. ട​റ​ന്‍റ് നേ​ര​ത്തെ കു​റ്റം നി​ഷേ​ധി​ച്ചി​രു​ന്നു.

2019 മാ​ർ​ച്ചി​ലാ​ണ് ക്രൈ​സ്റ്റ് ച​ർ​ച്ചി​ലെ ര​ണ്ട് മു​സ്‌​ലിം പ​ള്ളി​ക​ളി​ൽ വെ​ടി​വ​യ്പു​ണ്ടാ​യ​ത്. ആ​ക്ര​മ​ണ​ത്തി​ൽ മ​ല​യാ​ളി ഉ​ൾ​പ്പെ​ടെ അ​ഞ്ച് ഇ​ന്ത്യാ​ക്കാ​രും മ​രി​ച്ചി​രു​ന്നു.  പ​ട്ടാ​ള​വേ​ഷ​ത്തി​ലെ​ത്തി​യ അ​ക്ര​മി ഓ​ട്ടോ​മാ​റ്റി​ക് റൈ​ഫി​ളു​പ​യോ​ഗി​ച്ചാ​ണ് ആ​ക്ര​മ​ണം ന​ട​ത്തി​യ​ത്. ആ​ക്ര​മ​ണം അ​ക്ര​മി സ്വ​ന്തം ട്വി​റ്റ​ർ അ​ക്കൗ​ണ്ടി​ലൂ​ടെ ലൈ​വാ​യി സം​പ്രേ​ഷ​ണം ചെ​യ്യു​ക​യും ചെ​യ്തി​രു​ന്നു. അ​ക്ര​മി സ്വ​ന്തം തൊ​പ്പി​ക്ക് മു​ക​ളി​ൽ വ​ച്ച ക്യാ​മ​റ​യി​ലൂ​ടെ ദൃ​ശ്യ​ങ്ങ​ൾ പകർത്തി സം​പ്രേ​ഷ​ണം ചെ​യ്യു​ക​യാ​യി​രു​ന്നു.