ഖത്തറിലെ മ്യൂ​സിയങ്ങൾ ഇനി നിങ്ങളുടെ സ്‌ക്രീനിൽ; ഐ ആ​ർ​ട്ട് ടൂ​റിലൂടെ (വിഡിയോ )

ഖത്തർ: വൈവിധ്യമാർന്ന നിരവധി കാഴ്ചകളാണ് ഖത്തറിലെ വിവിധ മ്യൂ​സിയങ്ങളിൽ ഉള്ളത്. ക​ല​യും പൈ​തൃ​ക​വും ഒരുമിപ്പിച്ച് സൃഷ്‌ടിച്ച ആ ആവിഷ്‌കാരങ്ങൾ കാണുന്ന പ്രേക്ഷകന്റെ മനസ്സ് നിറക്കുന്നവയാണ്. ഖത്തറിൽ പോയി ഇവ കാണുക എന്നത് എപ്പോഴും ചെലവേറിയ കാര്യമാണ്. അതിനൊരു പരിഹാരമെന്ന രീതിയിൽ ആണ് എ.​ഐ ആ​ർ​ട്ട് ടൂ​റി​ന് ഖ​ത്ത​ർ മ്യൂ​സി​യം​സ് അധികൃതർ അവസരമൊരുക്കിയിരിക്കുന്നത്.

ഖ​ത്ത​റി​ന്റെ മ്യൂ​സി​യ​ങ്ങ​ൾ, പൊ​തു​സ്ഥാ​പ​ന​ങ്ങ​ൾ, ച​രി​ത്ര​സ്ഥ​ല​ങ്ങ​ൾ എ​ന്നി​വ എ.​ഐ ആ​ർ​ട്ട് ടൂ​റി​ലൂ​ടെ സ​ന്ദ​ർ​ശ​ക​ർ​ക്ക് ആ​സ്വ​ദി​ക്കാം. ക​മ്യൂ​ണി​ക്കേ​ഷ​ൻ ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി മ​ന്ത്രാ​ല​യ​വു​മാ​യി സ​ഹ​ക​രി​ച്ച് വി​ക​സി​പ്പി​ച്ച ഈ പ​ദ്ധ​തി 'ഡി​ജി​റ്റ​ൽ അ​ജ​ണ്ട 2030' എന്ന നയത്തിന്റെ ഭാഗം കൂടിയാണ്. ഖ​ത്ത​റി​ന്റെ പൈ​തൃ​കം കൂ​ടു​ത​ൽ ജനങ്ങളിലേക്ക് എത്തിക്കാൻ ഇതിലൂടെ സാധിക്കുമെന്നാണ് അധികൃതർ പറയുന്നത്.

ഐ ആ​ർ​ട്ട് ടൂ​റി​ന്റെ ഭാഗമാകാൻ ആദ്യം നമ്മൾ https://www.qatarevents.co/events/qatar-museums-ai-art-tour എന്ന ഈ വെബ്‌സൈറ്റിൽ കയറുക. അതിൽ എ ഐ ടൂറുമായി ബന്ധപ്പെട്ട വിവരങ്ങളും ഒരു ലിങ്കും നിങ്ങൾക്ക് ലഭിക്കും. അതിൽ കയറി ടിക്കറ്റ് ബുക്ക് ചെയ്താൽ ഖത്തറിലെ മ്യൂ​സിയങ്ങളും മറ്റും നിങ്ങൾക്ക് സന്ദർശിക്കാം. ഇനി എന്തൊക്കെയാണ് നമുക്ക് കാണാൻ താല്പര്യമുള്ള കാഴ്ചകൾ എന്ന് വെബ്സൈറ്റിനുള്ളിലെ എ.​ഐ ആ​ർ​ട്ട് സ്പെ​ഷ​ലി​സ്റ്റു​മാ​യി പങ്കുവെച്ചാൽ നമുക്ക് അ​നു​യോ​ജ്യ​മാ​യ യാ​ത്രാ​പാ​ത എ.​ഐ ഒരുക്കി നൽകുകയും ചെയ്യും.

ഇതിലൂടെ സഞ്ചരിച്ചാൽ നമ്മൾ ആഗ്രഹിച്ച എല്ലാ കാഴ്ചകളും സ്‌ക്രീനിൽ നമുക്കു കാണാം. യാ​ത്ര​യി​ലു​ട​നീ​ളം, എ.​ഐ ആ​ർ​ട്ട് സ്പെ​ഷ​ലി​സ്റ്റ് സ​ന്ദ​ർ​ശ​ക​ന്റെ ചോ​ദ്യ​ങ്ങ​ൾ​ക്ക് മ​റു​പ​ടി ന​ൽ​കും. വി​ശ​ദീ​ക​ര​ണ​ങ്ങ​ളും നി​ർ​ദേ​ശ​ങ്ങ​ളും ന​ൽ​കു​ന്ന​തി​ലൂ​ടെ ഒരു ഗൈഡിനെ പോലെയാകും ഈ എ.​ഐ ആ​ർ​ട്ട് സ്പെ​ഷ​ലി​സ്റ്റ്.

ഖ​ത്ത​റി​ലെ ക​ലാ-​സാം​സ്കാ​രി​ക -ച​രി​ത്ര പാ​ര​മ്പ​ര്യം ക​ണ്ടെ​ത്താ​നും അ​നു​ഭ​വി​ക്കാ​നും ത​ദ്ദേ​ശീ​യ -അ​ന്താ​രാ​ഷ്ട്ര സ​ന്ദ​ർ​ശ​ക​ർ​ക്ക് ഇ​തി​ലൂ​ടെ സാധിക്കും.

ഖ​ത്ത​ർ മ്യൂ​സി​യം​സ് 20ാം വാ​ർ​ഷി​കം ആ​ഘോ​ഷി​ക്കു​ന്ന ഘ​ട്ട​ത്തി​ലാ​ണ് എ.​ഐ ആ​ർ​ട്ട് ടൂ​ർ ന​ട​പ്പാ​ക്കു​ന്ന​ത് എ​ന്ന പ്ര​ത്യേ​ക​ത​യു​മു​ണ്ട്. ഖ​ത്ത​റി​ന്റെ സാം​സ്കാ​രി​ക രം​ഗ​ത്തെ ആ​ഗോ​ള ത​ല​ത്തി​ലേ​ക്ക് ഉ​യ​ർ​ത്തിക്കാട്ടാനുള്ള പടത്തിയുടെ ഭാഗം കൂടെയാണ് ഈ നടപടി. ഈ വർഷം അവസാനം വരെ ഈ കാഴ്ചകൾ ആസ്വദിക്കാൻ അവസരമൊരുക്കിയിട്ടുണ്ട്.