ഡെലിവറി വാഹനത്തില്‍നിന്ന് യുവതി പുറത്തേക്ക് ഇറങ്ങുന്ന വിഡിയോ വൈറലായതിനു പിന്നാലെ ജീവനക്കാരനെ പിരിച്ചുവിട്ട് ഇ-കോമേഴ്‌സ് സ്ഥാപനമായ ആമസോണ്‍. തെരുവില്‍ നിര്‍ത്തിയിട്ട ആമസോണ്‍ വാഹനത്തില്‍നിന്ന് കറുപ്പ് വസ്ത്രം ധരിച്ച ഒരു യുവതി പുറത്തേക്ക് ഇറങ്ങുന്ന വീഡിയോയാണ് വ്യാപകമായി പ്രചരിച്ചത്. ജീവനക്കാരനോട് യാത്ര പറഞ്ഞ് യുവതി നടന്നു നീങ്ങുന്നതാണ് വീഡിയോയിലുള്ളത്.
അമേരിക്കയിലെ ഫ്‌ലോറിഡയിലാണ് സംഭവം.ആരോ ഒരാള്‍ ഈ രംഗങ്ങള്‍ പകര്‍ത്തി ടിക് ടോക്കില്‍ പങ്കുവെച്ചതോടെയാണ് വീഡിയോ വൈറലായത്. ഒക്ടോബര്‍ 24ന് പ്രത്യക്ഷപ്പെട്ട ഈ വിഡിയോ വൈകാതെ മറ്റു പ്ലാറ്റ്‌ഫോമുകളിലേക്കും വ്യാപിച്ചു. ഇതു ശ്രദ്ധയില്‍പ്പെട്ടതോടെയാണ് ആമസോണ്‍ ജീവനക്കാരനെ പുറത്താക്കിയത്.
ആമസോണ്‍ ജീവനക്കാര്‍ പുലര്‍ത്തുന്ന ഉയര്‍ന്ന നിലവാരം തകര്‍ക്കുന്ന പ്രവൃത്തിയാണിത്. അനധികൃത വ്യക്തികളെ ഡെലിവറി വാഹനത്തിലേക്ക് പ്രവേശിപ്പിക്കുന്നത് ആമസോണിന്റെ നയങ്ങള്‍ക്ക് എതിരാണ്. അതുകൊണ്ട് ആ ജീവനക്കാരന്‍ ഇനി മുതല്‍ തങ്ങള്‍ക്കൊപ്പം ഉണ്ടാകില്ല എന്നായിരുന്നു സംഭവത്തെക്കുറിച്ച് ആമസോണ്‍ പ്രതിനിധി പ്രതികരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
