വാഷിങ്ടന്: യുഎസ് - യുക്രൈന് ചര്ച്ചകളില് നാറ്റോ അംഗത്വവും ക്രൈമിയയുടെ തിരിച്ചു നല്കലും ഉള്പ്പെടില്ലെന്ന് അമേരിക്കന് പ്രസിഡന്റ് ഡോണള്ഡ് ട്രംപ്. വ്ളോഡിമിര് സെലെന്സ്കിയുമായുള്ള കൂടിക്കാഴ്ചയ്ക്ക് മണിക്കൂറുകള് മാത്രം ബാക്കി നില്കെയാണ് കാലങ്ങളായി യുക്രൈന് ഉന്നയിക്കുന്ന വിഷയങ്ങള് പരിഗണനയ്ക്കില്ലെന്ന് ട്രംപ് വ്യക്തമാക്കുന്നത്. തന്റെ സമൂഹ മാധ്യമമായ ട്രൂത്ത് സോഷ്യലില് ആണ് ട്രംപിന്റെ പ്രഖ്യാപനം.
''യുക്രൈന് പ്രസിഡന്റ് വൊളോഡിമിര് സെലന്സ്കിക്കു യുദ്ധം അവസാനിപ്പിക്കാന് കഴിയും. അല്ലെങ്കില് അദ്ദേഹത്തിന് യുദ്ധം തുടരാം. യുദ്ധം എങ്ങനെ ആരംഭിച്ചു എന്ന് ഓര്മ്മിക്കണം. ചില കാര്യങ്ങള് ഒരിക്കലും മാറില്ല! ക്രൈമിയ തിരിച്ചെടുക്കാനാകില്ല. യുക്രൈന് നാറ്റോയിലേക്ക് പോകാനും.'' ട്രംപ് വ്യക്തമാക്കുന്നു.
ട്രംപിന്റെ നേതൃത്വത്തില് ഒരുങ്ങുന്ന റഷ്യ - യുക്രൈയ്ന് സമാധാന കരാറുമായി ബന്ധപ്പെട്ട ചര്ച്ചയ്ക്കായാണ് സെലെന്സ്കി ഇന്ന് യുഎസില് എത്തിയിട്ടുള്ളത്. ഇന്ത്യന് സമയം രാത്രി പതിനൊന്ന് മണിയോടെയാണ് ഇരു നേതാക്കളും തമ്മിലുള്ള കൂടിക്കാഴ്ച നിശ്ചയിച്ചിരിക്കുന്നത്. ദിവസങ്ങള്ക്ക് മുന്പ് നടന്ന ട്രംപ് - പുടിന് കൂടിക്കാഴ്ചയില് ഉയര്ന്ന നിര്ദേശങ്ങളായിരിക്കും സെലന്സ്കിയുമായി യുഎസ് പ്രസിഡന്റ് പങ്കുവയ്ക്കുക. റഷ്യന് യുക്രൈന് സമാധാന നീക്കങ്ങളില് കൂടിക്കാഴ്ച നിര്ണായകമാകും എന്നാണ് റിപ്പോര്ട്ടുകള്.
അതേസമയം, സമാധാനം നില നില്ക്കണം എന്നും യുദ്ധം വേഗത്തില് അവസാനിക്കണം എന്നുമുള്ള ആഗ്രഹം എല്ലാവര്ക്കുമുണ്ടെന്ന് സെലന്സ്കി പ്രതികരിച്ചു. കൂടിക്കാഴ്ചയ്ക്കായി യുഎസിലേക്ക് തിരിക്കും മുന്പായിരുന്നു സെലന്സ്കിയുടെ പ്രതികരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
