സൗദിയിൽ സൗജന്യ സിം കാർഡ് നൽകാമെന്ന വ്യാജേന തട്ടിപ്പ്; ഇരകളായത് മലയാളികൾ ഉൾപ്പെടെ

റിയാദ്: സൗജന്യമായി സിം കാർഡ് നൽകാമെന്ന വ്യാജേന തൊഴിലാളുടെ ഔദ്യോഗിക രേഖകൾ കൈവശപ്പെടുത്തി തട്ടിപ്പ് നടന്നതായി പരാതി. യാം​ബു​വി​ലുള്ള എ​ട്ട്​ ഇ​ന്ത്യ​ൻ തൊ​ഴി​ലാ​ളി​ക​ളാണ് തട്ടിപ്പിന് ഇരയായത്. പ്രമുഖ സിം കമ്പനിയുടെ അധികൃതർ ആണെന്ന വ്യജേന തട്ടിപ്പ് സംഘം ഇവർ താമസിച്ചിരുന്ന സ്ഥലത്ത് എത്തുകയും പ്രത്യേക ഓഫർ എന്ന നിലയിൽ സൗജന്യമായി സിം നൽകാം വിശ്വസിപ്പിക്കുകയും ചെയ്തു. പ്രമുഖ സിം കമ്പനിയുടെ തി​രി​ച്ച​റി​യ​ൽ കാ​ർ​ഡും വി​ര​ല​ട​യാ​ള റീ​ഡി​ങ്​ മെ​ഷീ​നു​ക​ളും ലാ​പ്ടോ​പു​ക​ളും ഉൾപ്പടെയാണ് സംഘം സ്ഥലത്ത് എത്തിയത്. അത് കൊണ്ട് തൊഴിലാളികൾക്ക് സംശയം തോന്നിയതുമില്ല.

പിന്നീട് തട്ടിപ്പ് സംഘം സിം എടുക്കാൻ ആവശ്യമായ രേഖകളും കയ്യടയാളങ്ങളും ഇവരിൽ നിന്ന് ശേഖരിച്ചു. റ​മ​ദാ​ൻ ഓ​ഫ​റാ​യി ആണ് സിം ​സൗ​ജ​ന്യ​മാ​യി ന​ൽ​കു​ന്നത് എന്നും

റ​മ​ദാ​ൻ ദി​ന​ങ്ങ​ളി​ൽ സിം ആക്ടിവേറ്റ് ആകുമെന്നും പറഞ്ഞ ശേഷം സംഘം മടങ്ങി. എന്നാൽ റ​മ​ദാ​ൻ ക​ഴി​ഞ്ഞിട്ടും സിം ​ആ​ക്​​റ്റി​വേ​ഷ​ൻ ആകാത്തത് കൊണ്ട് തൊഴിലാളികൾ സിം ഉപേക്ഷിച്ചു. സൗജന്യമായി ലഭിച്ചത് കൊണ്ട് തന്നെ അവർ അത് അത്ര കാര്യമായി എടുത്തതുമില്ല.

ഒ​രു മാ​സം ക​ഴി​ഞ്ഞ​പ്പോ​ൾ മ​റ്റൊ​രു പ്ര​മു​ഖ ടെ​ലി​ഫോ​ൺ ക​മ്പ​നി​യി​ൽ​ നി​ന്ന് തൊഴിലാളികൾക്ക് 92 റി​യാ​ൽ അ​ട​ക്ക​ണ​മെ​ന്ന സ​ന്ദേ​ശം ല​ഭി​ച്ചു. ഇതിനെക്കുറിച്ച് അന്വേഷിക്കാൻ ആ കമ്പനിയുടെ ഓഫീസിൽ എത്തിയപ്പോഴാണ് തൊഴിലാളികൾ തട്ടിപ്പിന് ഇരയായതായി മനസിലായത്. അവരുടെ തൊഴിൽ രേഖകൾ ഉപയോഗിച്ചു ഇതേ ​ക​മ്പ​നി​യു​ടെ ഇ​ന്‍റ​ർ​നെ​റ്റ് മോ​ഡം ര​ണ്ടു വ​ർ​ഷ​ത്തേ​ക്കു ആരോ എടുത്തതായും അതിന്റെ ആദ്യ മാസത്തേ ബിൽ ആണ് 92 റിയാൽ എന്നും അധികൃതർ പറഞ്ഞു.

എന്നാൽ തങ്ങൾ ആരുമല്ല ഈ കണക്ഷൻ എടുത്തത് എന്നും ഇത് ബ്ലോ​ക്ക് ചെയ്യണമെന്നും ഇവർ ആവശ്യപ്പെട്ടു. പ്രശ്‌നം പരിഹരിക്കാം എന്ന ഉറപ്പിൽ തൊഴിലാളികൾ അവിടെ നിന്ന് മടങ്ങുകയും ചെയ്തു.

എ​ന്നാ​ൽ എ​ല്ലാ മാ​സ​വും പ​ണ​മ​ട​ക്ക​ണ​മെ​ന്ന്​ ആ​വ​ശ്യ​പ്പെ​ടു​ന്ന മെസേജുകൾ തുടർച്ചയായി വന്നു കൊണ്ടിരുന്നു. ഏറ്റവും ഒടുവിൽ 1,224 റി​യാ​ൽ കു​ടി​ശി​ക​യാ​യെ​ന്നും ഉടൻ അടച്ചില്ലെങ്കിൽ നിയമ നടപടി സ്വീകരിക്കുമെന്നും കമ്പനി അധികൃതർ തൊഴിലാളികളെ അറിയിച്ചു. സമയ പരിധി അവസാനിച്ചതോടെ ഇത് സംബന്ധമായാ പരാതി നി​യ​മ​വ​കു​പ്പി​ന് കൈ​മാ​റി​യ​താ​യി അ​റി​യി​ച്ചു​കൊ​ണ്ടു​ള്ള സ​ന്ദേ​ശ​വും കൂ​ടി ഇ​വ​ർ​ക്ക്​ ലഭിച്ചു.

എ​ന്ത്​ ചെ​യ്യ​ണ​മെ​ന്ന്​ അ​റി​യാ​തെ വന്നതോടെ തൊ​ഴി​ലാ​ളി​ക​ൾ ത​ങ്ങ​ളു​ടെ ക​മ്പ​നി മാ​നേ​ജ്​​മെ​ന്‍റി​നെ വിവരമറിയിച്ചു. തുടർന്ന് ഇവരുടെ ക​മ്പ​നി നി​യോ​ഗി​ച്ച ഉദ്യോഗസ്ഥൻ

മൊ​ബൈ​ൽ ക​മ്പ​നി ഓ​ഫീ​സി​ൽ പോയി കാര്യങ്ങൾ സംസാരിച്ചെങ്കിലും പ്രശ്നം പരിഹരിക്കാൻ സാധിച്ചിട്ടില്ല. ​സിം ​കാ​ർ​ഡു​ക​ൾ എടുക്കുമ്പോൾ ബന്ധപ്പെട്ട ക​മ്പ​നി​ക​ളു​ടെ ഔ​ദ്യോ​ഗി​ക ഓ​ഫീ​സു​ക​ളെ സമീപിക്കണമെന്നും അല്ലെങ്കിൽ ഇത്തരത്തിലുള്ള

ച​തി​ക്കു​ഴി​ക​ളി​ൽ പെ​ടു​മെ​ന്നും അധികൃതർ ഓർമ്മപ്പെടുത്തി. അതെ സമയം ബില്ലുകൾ എങ്ങനെ അടക്കും എന്ന ആശങ്കയിലാണ് തൊഴിലാളികൾ.