ഭൂമിയുടെ അന്തരീക്ഷത്തില്‍ വച്ച് ഉല്‍ക്ക കത്തിയമര്‍ന്നു എന്ന വാര്‍ത്ത നിരവധി തവണ കേട്ടിട്ടുണ്ടാകും.അത്തരത്തില്‍ ഉല്‍ക്ക തീഗോളം പോലെ കത്തിയമരുന്നതിന്റെ വീഡിയോയാണ് ഇപ്പോള്‍ സോഷ്യല്‍മീഡിയയില്‍ വ്യാപകമായി പ്രചരിക്കുന്നത്.
ചൈനയില്‍ നിന്നുള്ളതാണ് ദൃശ്യങ്ങള്‍. തീഗോളം പോലെ ആകാശത്ത് ഉല്‍ക്ക കത്തിയമരുന്നതിന്റെ ദൃശ്യങ്ങളാണ് പുറത്തുവന്നത്. ഇതിന്റെ അവശിഷ്ടങ്ങള്‍ ഭൂമിയില്‍ പതിച്ചു.ചൈനയിലെ ക്വിങ്ഹായ് പ്രവിശ്യയിലാണ് സംഭവം നടന്നത്.
പ്രദേശവാസികളാണ് അത്ഭുത കാഴ്ച വീഡിയോയില്‍ പകര്‍ത്തിയത്. ഭൂമിയുടെ അന്തരീക്ഷവുമായുള്ള സമ്പര്‍ക്കത്തില്‍ ഉല്‍ക്ക കത്തിയമരുന്നതിനിടെ പുറത്തുവന്ന വെളിച്ചമാണ് ദൃശ്യങ്ങളില്‍. അതിവേഗത്തിലാണ് ഭൂമിയുടെ അന്തരീക്ഷവുമായി കൂട്ടിയിടിച്ച് ഉല്‍ക്ക കത്തിയമര്‍ന്നത്.ഡിസംബര്‍ 23ന് രാവിലെ ഏഴുമണിക്കായിരുന്നു ആകാശ വിസ്മയം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
