കെനിയയില്‍ ചെറുവിമാനം തകര്‍ന്ന് യാത്രക്കാര്‍ക്ക് ദാരുണാന്ത്യം, മരിച്ചവരില്‍ കൂടുതലും വിനോദസഞ്ചാരികള്‍

നെയ്റോബി: കെനിയയില്‍ ചെറുവിമാനം തകര്‍ന്ന് നിരവധി യാത്രക്കാര്‍ക്ക് ദാരുണാന്ത്യം. ക്വാലെ കൗണ്ടിയിലെ ടിസിംബ ഗോലിനിയില്‍ ഇന്ന് രാവിലെ പ്രാദേശിക സമയം എട്ടരയോടെയായിരുന്നു അപകടം. അപകടത്തില്‍ 12 പേര്‍ മരിച്ചതായാണ് റിപ്പോര്‍ട്ടുകള്‍.

വിമാനത്തില്‍ വിനോദസഞ്ചാരികള്‍ കയറിയ വിമാനമാണ് തകര്‍ന്ന് വീണത്. വിനോദസഞ്ചാരകേന്ദ്രമായ ദിയാനിയില്‍നിന്ന് മറ്റൊരു വിനോദസഞ്ചാരകേന്ദ്രമായ കിച്വ ടെംബോയിക്ക് പറന്നുയര്‍ന്ന 5വൈ-സിസിഎ എന്ന വിമാനമാണ് തകര്‍ന്നുവീണത്.

അപകടത്തിന് പിന്നാലെ പൊലീസും അടിയന്തര സേനാവിഭാഗങ്ങളും രക്ഷാപ്രവര്‍ത്തനം ആരംഭിച്ചു. വിമാനത്തിന് തീ പിടിച്ചതായും അവശിഷ്ടങ്ങളിലും ചിതറിക്കിടക്കുന്നതിന്റെയും ദൃശ്യങ്ങള്‍ പുറത്തുവന്നിരുന്നു. അപകടത്തിന്റെ കാരണം വ്യക്തമല്ലെങ്കിലും, മോശം ദൃശ്യപരതയും പ്രതികൂല കാലാവസ്ഥയുമാകാം ദുരന്തത്തിലേക്ക് നയിച്ചതെന്നാണ് പ്രാഥമിക നിഗമനം.