സിഡ്‌നി: കൊതുക് കടിച്ചതിനെ തുടർന്ന് ഓസ്‌ട്രേലിയയിൽ പിഞ്ചുകുഞ്ഞു മരിച്ചു. ബിഗ് റിവേഴ്‌സ് റീജ്യനിലെ ആശുപത്രിയിൽ വെച്ചാണ് കുഞ്ഞു മരിച്ചത്. കൊതുക് കടിച്ചതു മൂലം കുഞ്ഞിന് മുറേ വാലി എൻസഫലൈറ്റിസ് എന്ന വൈറസ് രോഗാവസ്ഥ സ്ഥിരീകരിച്ചിരുന്നു. ഓസ്‌ട്രേലിയയിൽ ഈ രോഗം ബാധിച്ച് മൂന്നാമത്തെ മരണമാണ് ഇപ്പോൾ റിപ്പോർട്ട് ചെയ്യുന്നത്.
വൈറസ് ബാധിക്കുന്നതിലൂടെ മസ്‌തിഷ്‌കത്തിലുണ്ടാകുന്ന ഗുരുതരമായ അണുബാധയാണ് മരണത്തിന് കാരണമാകുന്നത്. എംവിഇ വൈറസ് വഹിക്കുന്ന കൊതുകുകൾ കടിക്കുമ്പോഴാണ് രോഗം ശരീരത്തിലെത്തുന്നത്. നോർതേൺ ടെറിട്ടറിയിൽ റിപ്പോർട്ട് ചെയ്യുന്ന ഏറ്റവും ഗുരുതരമായ കൊതുകുജന്യ രോഗമാണിതെന്നും അധികൃതർ വ്യക്തമാക്കി.
തലവേദന, പനി, മനംപുരട്ടൽ, ഛർദി, സന്ധിവേദന തുടങ്ങിയവയാണ് വൈറസ് ബാധയുടെ ആദ്യ ലക്ഷണങ്ങൾ. തുടർന്ന് ഉറക്കച്ചടവ്, മനോവിഭ്രമം, ജ്വരസന്നി തുടങ്ങിയവ സംഭവിക്കുകയും അപൂർവം കേസുകളിൽ കോമയിലേക്ക് വരെ രോഗികൾ വീണു പോകാം. അതിരാവിലെകളിലും വൈകുന്നേരങ്ങളിലും നീളൻ വസ്ത്രങ്ങൾ ധരിച്ച് കൊതുകിനെ പ്രതിരോധിക്കുകയാണ് വൈറസ് തടയാനുള്ള പ്രധാന മാർഗമായി അധികൃതർ പറയുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
