ന്യൂജേഴ്‌സി: അമേരിക്കന്‍ വിമാനത്തിലെ ബിസിനസ് ക്ലാസില്‍ പാമ്പിനെ കണ്ടതോടെ പരിഭ്രാന്തരായി യാത്രക്കാര്‍. ഫ്ളോറിഡയിലെ ടാംപ സിറ്റിയില്‍ നിന്ന് ന്യൂജേഴ്സിയിലേക്ക് പോയ യുനൈറ്റഡ് എയര്‍ലൈന്‍സിന്റെ 2038 എന്ന വിമാനത്തിലാണ് പാമ്പിനെ കണ്ടത്. വിമാനം ലാന്‍ഡ് ചെയ്തതിന് പിന്നാലെയായിരുന്നു സംഭവം.
എയര്‍പോര്‍ട്ടിലെ വൈല്‍ഡ് ലൈഫ് ഓപറേഷന്‍സ് സ്റ്റാഫും പോര്‍ട്ട് അതോറിറ്റി പോലിസ് ഡിപ്പാര്‍ട്ട്മെന്റ് ഓഫിസര്‍മാരും ചേര്‍ന്ന് പാമ്പിനെ പിടികൂടിയതായും പിന്നീട് പാമ്പിനെ കാട്ടില്‍ വിട്ടതായും അധികൃതര്‍ പറഞ്ഞു. യാത്രക്കാരില്‍ ആര്‍ക്കും പരിക്കേറ്റിട്ടില്ലെന്ന് അധികൃതര്‍ അറിയിച്ചു.യാത്രക്കാരെ സുരക്ഷിതരായി ഇറക്കിയതിനുശേഷം വിമാനം പരിശോധനയ്ക്ക് വിധേയമാക്കി.
ഫ്‌ളോറിഡയില്‍ പൊതുവേ കാണപ്പെടുന്ന ഗാര്‍ട്ടര്‍ പാമ്പാണ് വിമാനത്തില്‍ കയറിപ്പറ്റിയത്. ഇവ പൊതുവേ നിരുപദ്രവകാരികളും, വിഷമില്ലാത്ത ഇനത്തില്‍ പെട്ടവയുമാണെന്നും അധികൃതര്‍ വ്യ്ക്തമാക്കി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
