ഇസ്ലാമാബാദ്‌: ഒരു യാത്രക്കാരന്‍ പോലുമില്ലാതെ പാകിസ്ഥാന്‍ ഇന്റര്‍നാഷണല്‍ എയര്‍ലൈന്‍സ് സര്‍വീസ് നടത്തിയത് 46 ഫ്‌ലൈറ്റുകള്‍. 2016-17 കാലയളവിലെ കണക്കാണ് ഇത്. ഇതിലൂടെ 1.1 മില്യണ്‍ ഡോളറിന്റെ നഷ്ടമാണ് കമ്പനിക്കുണ്ടായത് എന്നാണ് കണക്ക്.
ഓഡിറ്റ് റിപ്പോര്‍ട്ടിലാണ് 46 ഫ്‌ലൈറ്റുകള്‍ യാത്രക്കാരില്ലാതെ പറത്തിയതിനെ തുടര്‍ന്ന് കമ്പനി വലിയ സാമ്പത്തിക നഷ്ടം നേരിടുന്നതായി വെളിപ്പെടുത്തുന്നത്. 180 മില്യണ്‍ രൂപയുടെ നഷ്ടത്തിലേക്ക് നയിച്ച സംഭവത്തിലും പാകിസ്ഥാന്‍ ഇതുവരെ അന്വേഷണമൊന്നും പ്രഖ്യാപിച്ചിട്ടില്ല.
ഇത് കൂടാതെ, ഹജ്ജ് യാത്രയ്ക്കുള്ള ഫ്‌ലൈറ്റുകളും യാത്രക്കാരില്ലാതെ പറത്തിയതായി ഓഡിറ്റ് റിപ്പോര്‍ട്ടില്‍ പറയുന്നു. 36 ഫ്‌ലൈറ്റുകളാണ് ഇങ്ങനെ പറത്തിയത് എന്നാണ് പാക് ചാനലായ ജിയോ ടിവി റിപ്പോര്‍ട്ട് ചെയ്യുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
