കാമുകിയുമായുളള വീഡിയോ കോളിനിടെ പ്രവാസി ജീവനൊടുക്കി

കുവൈത്ത് സിറ്റി: കാമുകിയുമായുള്ള വീഡിയോ കോളിനിടെ പ്രവാസി ആത്മഹത്യ ചെയ്തു. കുവൈത്തിലെ ഫര്‍വാനിയയിലായിരുന്നു സംഭവം.

ആത്മഹത്യ ചെയ്യാന്‍ തീരുമാനിച്ച ഇയാള്‍ ഇത് തത്സമയം കാണുന്നതിനായി കാമുകിയെ വീഡിയോ കോള്‍ ചെയ്യുകയായിരുന്നു. ഇവര്‍ ആഭ്യന്തര മന്ത്രാലയത്തിന്റെ ഓപ്പറേഷന്‍സ് റൂമില്‍ വിവരമറിയിച്ചതനുസരിച്ച് പൊലീസും പാരാമെഡിക്കല്‍ സംഘവും സ്ഥലത്തേയ്ക്ക് കുതിച്ചെത്തിയെങ്കിലും മരണം സംഭവിച്ചു കഴിഞ്ഞതായി ഉദ്യോഗസ്ഥര്‍ അറിയിച്ചു. 

കയറില്‍ തൂങ്ങി മരിച്ച നിലയിലായിരുന്നു. മറ്റ് നടപടികള്‍ പൂര്‍ത്തിയാക്കിയ ശേഷം മൃതദേഹം ഫോറന്‍സിക് പരിശോധനയ്ക്ക് അയച്ചു.