കാറും ഒട്ടകവും തമ്മില്‍ കൂട്ടിയിടിച്ച് അപകടം, യാത്രക്കാരി മരിച്ചു

റിയാദ്: കാറും ഒട്ടകവും കൂട്ടിയിടിച്ചുണ്ടായ അപകടത്തില്‍പ്പെട്ട് സൗദി അറേബ്യയിലെ യാത്രക്കാരിയായ സ്ത്രീ മരിച്ചു. പശ്ചിമ സൗദിയിലെ തായിഫിലേയ്ക്കുള്ള നഖല്‍ റോഡ് മുറിച്ചു കടക്കുന്നതിന് ഇടയിലാണ് അപകടം. 

നാല് പേര്‍ക്ക് അപകടത്തില്‍ പരിക്കേറ്റു. വ്യാഴാഴ്ച രാത്രിയായിരുന്നു സംഭവം. വഴിയില്‍ അലഞ്ഞു തിരിയുന്ന ഒട്ടകങ്ങള്‍ സൃഷ്ടിക്കുന്ന അപകടങ്ങള്‍ നിയന്ത്രിക്കുന്നതിന് സൗദി ഭരണകൂടം നടപടി സ്വീകരിച്ചിരുന്നു. റോഡുകള്‍ക്ക് സമീപത്തേക്ക് ഒട്ടകങ്ങളെ വിടുന്ന ഉടമകള്‍ക്ക് മേല്‍ വലിയ തുക പിഴയായും സൗദി ഭരണകൂടം ഏര്‍പ്പെടുത്തുകയുണ്ടായി.