ഇസ്ലാമബാദ്: പത്ത് ദിവസം മുന്‍പ് നിരോധിച്ച ടിക്ടോക് ആപ്ലിക്കേഷന്റെ നിരോധനം നീക്കി പാകിസ്ഥാന് സര്‍ക്കാര്‍. സദാചാര പ്രശ്നങ്ങള്‍ ഉയര്‍ത്തിയായിരുന്നു ടിക്ടോക് നിരോധനം രാജ്യത്ത് നടപ്പാക്കിയത്. എന്നാല്‍ ചൈനയില്‍ നിന്നുള്ള സമ്മര്‍ദ്ദ ഫലമായാണ് നിരോധനം നീക്കിയത് എന്നാണ് പുറത്തു വരുന്ന റിപ്പോര്‍ട്ടുകള്‍.
പാകിസ്താനിലെ യാഥാസ്ഥിതിക വിഭാഗങ്ങളുടെ കടുത്ത സമ്മര്‍ദത്തിന്റെ പശ്ചാത്തലത്തിലായിരുന്നു പത്ത് ദിവസം മുന്‍പ് ടിക്‌ടോകിന്റെ നിരോധനം. ചൈന-പാകിസ്താന്‍ സാമ്പത്തിക ഇടനാഴിയ്ക്ക് (സിപെക്) പ്രാധാന്യം നല്‍കിക്കൊണ്ടാണ് പാകിസ്താന്‍ നിരോധനം പിന്‍വലിച്ചിരിക്കുന്നത്.
പാകിസ്ഥാനുമായി നയതന്ത്ര തലത്തില്‍ ഏറ്റവും കൂടുതല്‍ സൗഹൃദം പുലര്‍ത്തുന്ന രാജ്യമാണ് ചൈന. സാമൂഹിക, സാമ്പത്തിക, വികസന രംഗങ്ങളില്‍ ചൈനയുടെ വലിയ സഹായം പാകിസ്ഥാന് ലഭിക്കുന്നുണ്ട്.
ഇതിനോടകം വിവിധ രാജ്യങ്ങളില്‍ ടിക്ടോക് പ്രതിക്കൂട്ടിലാണ്. ഇന്ത്യയില്‍ ടിക്ടോക് നിരോധിക്കപ്പെട്ടു. അമേരിക്ക ഉള്‍പ്പടെയുള്ള പാശ്ചാത്യ രാജ്യങ്ങളില്‍ ടിക് ടോക്കിനെതിരെ വിവിധ നിയമ നടപടികള്‍ സ്വീകരിച്ചു വരികയാണ്.
ഇന്ത്യയിലെ നിരോധനം കനത്ത ആഘാതമാണ് ടിക്‌ടോകിനുണ്ടാക്കിയത്. ഇന്ത്യ ചൈന അതിര്‍ത്തി സംഘര്‍ഷങ്ങളുടെ പശ്ചാത്തലത്തിലാണ്. ടിക് ടോക്ക് ഉള്‍പ്പടെയുള്ള നിരവധി ചൈനീസ് ആപ്ലിക്കേഷനുകള്‍ക്കെതിരെ ഇന്ത്യ കടുത്ത നടപടി സ്വീകരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
