പാക് മുന്‍പ്രധാനമന്ത്രി ഷാഹിദ് ഘഖാന്‍ അബ്ബാസിക്ക് കോവിഡ് ; ക്വാറന്റീനില്‍

ഇസ്ലാമാബാദ് : പാകിസ്ഥാന്‍ മുന്‍പ്രധാനമന്ത്രി ഷാഹിദ് ഘഖാന്‍ അബ്ബാസിക്ക് കോവിഡ് സ്ഥിരീകരിച്ചു. കോവിഡ് സ്ഥിരീകിരിച്ചതിന് പിന്നാലെ അബ്ബാസിയെ ക്വാറന്റീനിലാക്കി. പാകിസ്ഥാന്‍ മുസ്ലിംലീഗ് (നവാസ്) പാര്‍ട്ടിയുടെ സീനിയര്‍ വൈസ് പ്രസിഡന്റാണ് ഷാഹിദ് അബ്ബാസി.

നവാസ് ഷെരീഫ് അഴിമതിക്കേസില്‍ കോടതി ശിക്ഷിച്ചതിനെ തുടര്‍ന്ന് രാജിവെച്ചൊഴിഞ്ഞപ്പോഴാണ്, ഷാഹിദ് ഘഖാന്‍ അബ്ബാസി പ്രധാനമന്ത്രിയാകുന്നത്. 2017 ആഗസ്റ്റ് മുതല്‍ 2018 മെയ് വരെയായിരുന്നു അബ്ബാസി പാക് പ്രധാനമന്ത്രിയായിരുന്നത്.

പാകിസ്ഥാനില്‍ കോവിഡ് രോഗവ്യാപനം അതിവേഗം വര്‍ധിക്കുകയാണ്. രാജ്യത്ത് ഒരു ലക്ഷത്തിലേറെപ്പേര്‍ക്ക് കൊറോണ സ്ഥിരീകരിച്ചു. ഇതുവരെ 1,03,666 പേര്‍ക്കാണ് കോവിഡ് കണ്ടെത്തിയത്. 2067 പേരാണ് ഇതുവരെ കോവിഡ് ബാധിച്ച് മരിച്ചത്.

കഴിഞ്ഞ 24 മണിക്കൂറിനിടെ 67 പേര്‍ക്കാണ് ജീവന്‍ നഷ്ടപ്പെട്ടത്. ആറ് ജനപ്രതിനിധികളാണ് ഇതുവരെ കോവിഡ് ബാധിച്ച് മരിച്ചത്.