ടാന്‍സാനിയ: കടത്ത് ബോട്ട് വിക്ടോറിയ തടാകത്തിലേക്ക് മറിഞ്ഞ് 136 പേര്‍ കൊല്ലപ്പെട്ടു. 200 പേരോളം ബോട്ടിലുണ്ടായിരുന്നതായാണ് റിപ്പോര്‍ട്ട്. ബുഗോറിയയില്‍ നിന്നും ഉക്ര ദ്വീപിലേക്ക് പോയ ബോട്ടാണ് അപകടത്തില്‍ പെട്ടത്.
പരിധിയില്‍ കവിഞ്ഞും ആളുകള്‍ കയറിയതാണ് അപകടകാരണമെന്നും ബോട്ടില്‍ വെള്ളം കയറിയപ്പോള്‍ ആളുകള്‍ ഒരു വശത്തേക്ക് നീങ്ങിയതോടെ പൂര്‍ണമായും മുങ്ങുകയായിരുന്നുവെന്നും രക്ഷാ പ്രവര്‍ത്തകര്‍ അറിയിച്ചു. റെഡ്‌ക്രോസിന്റെ നേതൃത്വത്തിലാണ് രക്ഷാപ്രവര്‍ത്തനം പുരോഗമിക്കുന്നത്.
അപകടത്തില്‍ വിദേശികളാരും ഉള്‍പ്പെട്ടിട്ടില്ലെന്നാണ് റിപ്പോര്‍ട്ടുകള്‍. പരമാവധി 100 പേര്‍ക്ക് യാത്ര ചെയ്യാനുള്ള ബോട്ടിലാണ് അമിതമായി ആളുകളെ കയറ്റിയതെന്ന് പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
