തുമ്പയും മുക്കുറ്റിയും
തൂമഞ്ഞക്കസവിട്ട
പൊന്പുലര്ക്കാലം പോകെ,
പൂവിളിയതും പോകെ
നാലിറയത്തിന് ചോട്ടില്
നിരന്ന മൂക്കുറ്റിപ്പൂ
മൂത്തമാവിലെ ഊഞ്ഞാ
ലാടിയ കഥപോകെ
കാക്കപ്പൂ, കദളിപ്പൂ,
കണ്ണെഴുതിനില്ക്കുന്ന
നാട്ടിടവഴിപോലും
നിദ്രാമൂകമെന്നോണം
വാഴ്ത്തുന്ന പാട്ടോ, കൊട്ടോ
കുരവപ്പൊലിമയോ
പാട്ടിലെ വെറും കഥാ
ശില്പ സായൂജ്യം മാത്രം
എന്റെയീയോണം വെറും
കോണ്ക്രീറ്റ് കൂടാരത്തില്
സങ്കലിതമാമൊരേ
സങ്കല്പാചാരം മാത്രം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
